ထိုင်းနိုင်ငံမှာကုန်ထုတ်လုပ်မှုကျဆင်းနေတဲ့အတွက်  ထိုင်းအလုပ်သမားတွေရဲ့ ကုန်ထုတ်လုပ်မှုတိုးတက်ဖို့နဲ့  နည်းလမ်းတွေရှာ ဖွေဖို့သက်ဆိုင်ရာအဖွဲ့အစည်းတွေကို ထိုင်းအလုပ်သမားဝန်ကြီးကတိုက်တွန်းခဲ့ပါတယ်။ အလုပ်သမားတွေရဲ့ကုန်ထုတ်လုပ်မှု မြှင့်တင်ရေးနဲ့ နည်းလမ်းတွေရှာဖွေရေးအတွက်ပြုလုပ်တဲ့ အစည်းအဝေးဖွင့်ပွဲမှာ ထိုင်းအလုပ်သမားဝန်ကြီး အဒူလ်စန်စင်ကီရို ကပြောခဲ့ပါတယ်။ ထိုင်းနိုင်ငံမှာ အလုပ်သမားဖွဲ့စည်းပုံဆိုင်ရာပြဿနာနဲ့ရင်ဆိုင်နေရပြီး မွေးဖွားမှုနှုန်းကျဆင်းမှု၊  အလုပ်သမား အရေအတွက်ကျဆင်းမှု၊ ကုန်ထုတ်လုပ်မှုကျဆင်းလာမှုနဲ့ သတ်မှတ်ထားတဲ့အရည်အချင်းနဲ့ကိုက်ညီမှုမရှိတဲ့ အလုပ်အကိုင်တွေ ရှိခဲ့တယ်လို့ စင်ကီရိုကပြောပါတယ်။

ထိုင်းအလုပ်သမား(၄၀)ရာခိုင်နှုန်းဟာ စိုက်ပျိုးရေးကဏ္ဍတွေမှာလုပ်ကိုင်နေပြီး အဲဒီကဏ္ဍ ဟာကုန်ထုတ်စွမ်းအားအနည်းဆုံးဖြစ်တယ်လို့လည်း စင်ကီရိုကပြောပါတယ်။ ကမ္ဘာ့ကုန်ထုတ်လုပ်မှုစင်တာရဲ့ အဆင့်သတ်မှတ် ချက်အရ ထိုင်းနိုင်ငံကအလုပ်သမားတွေရဲ့ ကုန်ထုတ်စွမ်းအားဟာ နိုင်ငံပေါင်း(၆၃)နိုင်ငံရှိတဲ့ထဲက (၅၇)နိုင်ငံမြောက်မှာရပ် တည်နေတယ်လို့ သိရပါတယ်။ အလုပ်သမားဖွဲ့စည်းပုံဆိုင်ရာပြဿနာကိုဖြေရှင်းရာမှာ အစည်းအဝေးကိုတက်ရောက်သူတွေရဲ့ အကြံဥာဏ်တွေကအထောက်အကူပြုနိုင်ဖို့ စင်ကီရိုကမျှော်မှန်းထားပါတယ်။

 

 

Related News