အမေရိကန်နဲ့တ ရုတ်နိုင်ငံတို့ကြား ကုန်သွယ်ရေးစစ်ပွဲကို အရှိန်မြင့်တက်လာစေတဲ့အနေနဲ့ အမေရိကန်က တရုတ်ကိုတင်သွင်းတဲ့ကုန်ပစ္စည်းတွေ ကို တရုတ်က ထပ်ပြီးတုံ့ပြန်အခွန်တိုးကောက်ခဲ့ပါတယ်။ စက်တင်ဘာလ(၁၇)ရက်မှာ တရုတ်နိုင်ငံကနေတင်သွင်းတဲ့ကုန်ပစ္စည်း အမေရိကန်ဒေါ်လာဘီလီယံ(၂၀၀)ကျော်ကို အမေရိကန် နိုင်ငံက (၁၀)ရာခိုင်နှုန်းအခွန်တိုးကောက်ခဲ့တဲ့အတွက် တရုတ်ကို အမေရိကန်ကတင်သွင်းတဲ့ကုန်ပစ္စည်း အမေရိကန်ဒေါ်လာ (၆၀)ဘီလီယံ လောက်ကို စက်တင်ဘာလ(၁၈)ရက်မှာ တရုတ်က တုံ့ပြန်အခွန်တိုးကောက်ခဲ့ပါတယ်။ အမေရိကန်ကုန်ပစ္စည်း (၅၂၀၀)ကျော်ကို အခွန်(၅)ရာခိုင်နှုန်းကနေ (၁၀)ရာခိုင်နှုန်းအထိအခွန်တိုးကောက်ခဲ့ပြီး အခွန်တိုးကောက်ခဲ့တဲ့ပစ္စည်းတွေထဲမှာ လောင်စာဓာတ်ငွေ့ရည်ကနေ ရေခဲရိုက်ဟင်းသီးဟင်းရွက်တွေအထိပါဝင်ပါတယ်။

အမေရိကန်ရဲ့တစ်ဖက်ပိတ်ဝါဒနဲ့ နိုင်ငံတွင်း လုပ်ငန်းတွေကိုကာကွယ်တဲ့ဝါဒတို့ကြောင့် တရုတ်ဘက်က အခုလိုတုံ့ပြန်ခဲ့တာဆိုပြီး တရုတ်ဘဏ္ဍာရေးဝန်ကြီးဌာနရဲ့ဝက်ဘ် ဆိုက်မှာ ဖော်ပြထားပါတယ်။ စက်တင်ဘာလ(၂၄)ရက်မှာ နှစ်နိုင်ငံလုံးရဲ့အခွန်နှုန်းထားသစ်တွေက စပြီးအသက်ဝင်လာတော့ မှာပါ။ ကုန်သွယ်ရေးစစ်ပွဲနဲ့ပတ်သက်ပြီး ဆွေးနွေးမှုလုပ်ဖို့ နှစ်နိုင်ငံလုံးက လမ်းဖွင့်ထားတယ်လို့ ပြောနေပေမဲ့ အမေရိကန်လယ် သမားတွေကို ထိခိုက်စေတဲ့တရုတ်ရဲ့အခွန်တိုးကောက်မှုတွေက အမေရိကန်အစိုးရကို မဲဆန္ဒရှင်တွေရဲ့ယုံကြည်မှုလျော့လာ အောင် ဖန်တီးနေတာလို့ အမေရိကန်သမ္မတ“ဒေါ်နယ်ထရမ့်”ကတွစ်တာမှာရေးခဲ့ပါတယ်။ အခွန်တိုးကောက်မှုတွေကြောင့် နှစ် နိုင်ငံကုန်သွယ်ရေးထိခိုက်မှုတွေအတွက် အခြေကျအောင်ဆွေးနွေးရာမှာ မရေမရာဖြစ်လာတယ်လို့ တရုတ်နိုင်ငံခြားရေးဝန်ကြီး ဌာနပြောခွင့်ရသူ “ကျန်းရွှမ်”က ပြောပါတယ်။

 

 

Related News