တောင်ကိုရီးယားထိပ်တန်းတေးဂီတအဖွဲ့တစ်ဖွဲ့ဖြစ်သည့် Girl's Day ၏ Female President အမည်ရှိ တေးသီချင်းဟောင်းတစ်ပုဒ်သည် လတ်တလောနိုင်ငံရေးအခြေအနေများကြောင့် ပရိသတ်များ အကြား တကျော့ပြန် ပြန်လည်ရေပန်းစားလာခဲ့ကြောင်း သိရှိရသည်။ တောင်ကိုရီးယားနိုင်ငံ၏ ပထမဦးဆုံးအမျိုးသမီး သမ္မတပတ်ခ်ဂွမ်ဟေးနှင့် အကျင့်ပျက်ခြစားမှုပြဿနာကြောင့် လတ်တလောနိုင်ငံရေးလောကတွင် ရိုက်ခတ်မှုများ ရှိနေ သည့်အချိန်နှင့် တိုက်ဆိုင်စွာ Female President တေးသီချင်းမှာ  ပရိသတ်များအကြား ပြန်လည်ခေတ်စားလာခဲ့ခြင်းဖြစ် သည်။

လတ်တလောရေပန်းစားအောင်မြင်သည့် တေးသီချင်းများစာရင်း Music Chart တွင် အဆိုပါတေးသီချင်းက နံပတ် (၁) နေရာ၌ ရပ်တည်လျက်ရှိပြီး နံပတ် (၂) နေရာတွင် Girls' Generation အဖွဲ့၏ Into the New World အမည်ရှိ တေးသီချင်း၊ နံပတ် (၃) နေရာတွင် Cold Play အဖွဲ့၏ Viva La Vida တေးသီချင်းတို့က အစဉ်လိုက်ရပ်တည်လျက်ရှိ သည်။ အမျိုးသမီးတစ်ဦးအတွက် ယုံကြည်မှုများ တိုးပွားစေရန် ခွန်အားပေးသည့် စာသားများဖြင့် ရေးစပ်သီကုံးထားသော Girl's Day အဖွဲ့၏ Female President အမည်ရှိ တေးသီချင်းသည် ၂၀၁၃ ခုနှစ်က တောင်ကိုရီးယားနိုင်ငံအတွက် ပထမဦးဆုံးအမျိုးသမီးသမ္မတအဖြစ် ပတ်ခ်ဂွမ်ဟေးအား ရွေးချယ်တင်မြှောက်ခဲ့ပြီး (၄) လအကြာတွင် ထွက်ရှိခဲ့ခြင်းဖြစ် ကြောင်း သိရှိရသည်။ 

 

 

Related News