လူငယ်တွေစိတ်ဝင်စားမှုမြင့်တက်နေတဲ့ဘရိတ်ဒန့်စ်အကပြိုင်ပွဲကိုဘရာဇီးနိုင်ငံ၊ ဆော်ပိုလိုမြို့မှာပထမဆုံးကျင်းပနေပြီး ပြိုင်ပွဲဝင်တွေက အကောင်းဆုံးဖျော်ဖြေနေပါတယ်။(၂၀၂၄)ပဲရစ်အိုလံပစ်ပြိုင်ပွဲမှာအချိုးကျပါဝင်ခွင့်ရနိုင်လို့ လမ်းပေါ်အကတွေတစ်ကမ္ဘာလုံးမှာခေတ်စားလာချိန်မှာဘရာဇီးနိုင်ငံမှာလည်းဘရိတ်ဒန့်စ်အကအဓိကပေါ်ထွက်နေပါတယ်။ တနင်္ဂနွေနေ့မှာပြီးဆုံးမှာဖြစ်ပြီးဆော်ပိုလိုမှာပထမဆုံးအကြိမ်ကျင်းပတဲ့ (၃)ရက်ကြာအကချန်ပီယံရှစ်ပြိုင်ပွဲမှာဘရာဇီးနိုင်ငံရဲ့အကောင်းဆုံးအကသမားတွေကသူတို့ရဲ့အကောင်းဆုံးကကွက်တွေကိုထုတ်ပြနေကြပါတယ်။ ပြိုင်ပွဲက ဆယ်ကျော်သက်တွေနဲ့ကလေးငယ်တွေအပါအ၀င် ဘရိတ်ဒန့်စ်အကမြတ်နိုးသူ(၅၀၀၀)ကျော် ကိုဆွဲဆောင်ထားပြီး မြန်မြန်ဆန်ဆန်တိုးတက်နေတဲ့အကကိုချစ်မြတ်နိုးတဲ့ သူတို့ရဲ့စိတ်ကိုဖော်ပြနိုင်မှာပါ။ ပြိုင်ပွဲမှာချန်ပီယံဖြစ် လာတဲ့သူကလက်တင်အမေရိကနိုင်ငံများဘရိတ်ဒန့်စ်ပြိုင်ပွဲမှာဘရာဇီးနိုင်ငံကိုယ်စားပြုယှဉ်ပြိုင်ခွင့်ရမှာပါ။

အမေရိကန်နိုင်ငံမှာ (၁၉၇၀)ပြည့်နှစ်တွေကစသန္ဓေတည်လာတဲ့ဘရိတ်ဒန့်စ်အကဟာလမ်းပေါ်အကတွေအတွက်ဂုဏ်ယူပြီးအလေးအနက်ထားတဲ့ ဘရာဇီးနိုင်ငံမှာလည်း စိတ်ဝင်တစားကနေသူများနေပါတယ်။ ၀င်ပြိုင်တဲ့လူတွေကသူတို့နှစ်သက်တဲ့အကဟာ (၂၀၂၄)ပဲရစ်အိုလံပစ်မှာပါဝင်နိုင်တဲ့အားကစားတစ်ခုဖြစ်လာလို့လည်းစိတ်လှုပ်ရှားနေကြပါတယ်။ ပြီးခဲ့တဲ့လတုန်းက နိုင်ငံတကာအိုလံပစ်ကော်မတီကပါဝင်ခွင့်ပြုဖို့အဆိုကိုလက်ခံခဲ့ပြီး (၂၀၂၀)ပြည့်နှစ်၊ ဒီဇင်ဘာမှာ ပါဝင်ခွင့်ပြု၊ မပြုနောက်ဆုံးဆုံးဖြတ်ချက်ချမှာပါ။ လမ်းပေါ်အကတွေကိုလူတွေကဘက်လိုက်တဲ့သဘောမျိုးတွေရှိခဲ့ပေမဲ့ အိုလံပစ်မှာပါရမယ့်အားကစားနည်းဖြစ်လာပြီဆိုရင်တော့ လူတွေကပိုနားလည်လာလိမ့်မယ်လို့ထင်တယ်ဆိုပြီးဆော်ပိုလိုပြိုင်ပွဲမှာယှဉ်ပြိုင်နေတဲ့ဘရိတ်ဒန့်စ်အကသမားလီယိုနီကပြောပါ တယ်။

 

 

 

Related News