တောင်ကိုရီးယားအစိုးရက မကြေညာခင် မီဒီယာတွေမှာ ကြိုပြီးပေါက်ကြားလာတဲ့ ပင်စင်လစာပြုပြင်ပြောင်းလဲ ရေးမူဝါဒကို နိုင်ငံသားတွေက ဝေဖန်နေကြပါတယ်။ တောင်ကိုရီးယားနိုင်ငံမှာ အမျိုးသားပင်စင်လစာပြုပြင်ပြောင်းလဲရေးနဲ့ပတ်သက်လို့ တောင်ကိုရီးယားသမ္မတအိမ်တော်ကို တစ် ပတ်အတွင်း ပန်ကြားစာ(၁၀၀၀)ကျော်လောက် နိုင်ငံသားတွေက ပေးပို့ခဲ့ပါတယ်။

စာအများစုက ပင်စင်လစာပြုပြင်ပြောင်းလဲ ရေးအစီအစဉ်နဲ့ ပတ်သက်လို့ ဝေဖန်နေကြတာပါ။ လာမယ့်သောကြာနေ့မှာမှ ပင်စင်လစာမူဝါဒအပြောင်းအလဲကို တောင်ကိုရီး ယားအစိုးရကကြေညာဖို့ရှိနေပေမဲ့ မီဒီယာတွေမှာ မူဝါဒရဲ့တစ်စိတ်တစ်ပိုင်းနဲ့ပတ်သက်လို့ပါဝင်ခဲ့ပြီးနောက် ပင်စင်စားတွေက အဲဒီမူဝါဒကိုကန့်ကွက်နေကြပါတယ်။

ပင်စင်အာမခံကြေးတိုးမြှင့်တာနဲ့ ပင်စင်လျှောက်ထားခွင့်ကာလတိုးမြှင့်တာက ယာယီဖြေ ရှင်းချက်ပဲဖြစ်တယ်လို့ ဒေဂျွန်းဒေသခံလီဟွန်ကူးကပြောပါတယ်။ မထုတ်ပြန်ရသေးတဲ့မူဝါဒက တောင်ကိုရီးယားအမျိုးသားပင် စင်ဆိုင်ရာအကြံပေးကော်မတီရဲ့အဆိုပြုတစ်စိတ်တစ်ပိုင်းပဲဖြစ်ပြီး အစိုးရရဲ့အစီအစဉ်ကို ကိုယ်စားမပြုဘူးလို့ တောင်ကိုရီးယား ကျန်းမာရေးနှင့်လူမှုဖူလုံရေးဆိုင်ရာဝန်ကြီးကပြောပါတယ်။ လာမယ့်စက်တင်ဘာလမှာ ပင်စင်မူကြမ်းကို တောင်ကိုရီးယားအစိုးရ ကရေးဆွဲသွားမှာဖြစ်ပြီး အောက်တိုဘာလမှာ တောင်ကိုရီးယားအမျိုးသားလွှတ်တော်ကို တင်ပြသွားမယ်လို့သိရပါတယ်။

 

 

 

 

Related News