(၂၀၁၇)ခုနှစ်မှာ အိုင်အက်စ်အကြမ်းဖက်အဖွဲ့ရဲ့နယ်မြေတွေတော်တော်များများကို ပြန်သိမ်းနိုင်ခဲ့ပေမဲ့ ဆီးရီးယားနဲ့အီရတ်နိုင်ငံတို့မှာ အဖွဲ့ဝင်(၂)သောင်းကျော်ရှိနေတယ်လို့ ကုလသမဂ္ဂကထုတ်ပြန်ခဲ့ပါတယ်။ အိုင်အက်စ်လို့သူတို့ကိုယ်သူတို့သတ်မှတ်ကြတဲ့ အစ္စလာမ်မစ်နိုင်ငံတော်အကြမ်းဖက်အဖွဲ့ကို ပြီးခဲ့တဲ့(၂၀၁၇)နှစ်ကုန်ပိုင်းက အီရတ်နိုင်ငံကတိုက်ထုတ်နိုင်ခဲ့ပြီး အဖွဲ့ထဲကို နိုင်ငံခြားသားတွေအဖွဲ့ဝင်ဖြစ်လာတာတွေရပ်တန့်ခဲ့ပေမဲ့ ဆီးရီးယားနဲ့အီရတ်နိုင်ငံတို့ မှာ အိုင်အက်စ်အဖွဲ့ဝင်(၂)သောင်းနဲ့(၃)သောင်းကြားရှိနေတယ်လို့ ကုလသမဂ္ဂပိတ်ဆို့မှုများစောင့်ကြည့်ရေးအဖွဲ့ရဲ့အစီရင်ခံစာမှာ ပါဝင်နေပါတယ်။

သြဂုတ်လ(၁၃)ရက်မှာထုတ်ပြန်ခဲ့တဲ့အဲဒီအစီရင်ခံစာအရ လစ်ဗျားနိုင်ငံမှာ အိုင်အက်စ်အဖွဲ့ဝင်(၃၀၀၀)ကျော် ရှိနေပြီး အိုင်အက်စ်တွေရဲ့လှုပ်ရှားမှုအများစုက အာဖဂန်နစ္စတန်နိုင်ငံမှာရှိနေတယ်လို့သိရပါတယ်။ ဆီးရီးယားနဲ့အီရတ်မှာတော့ စုစုပေါင်းအိုင်အက်စ်အဖွဲ့ဝင်(၂)သောင်းကျော်ရှိနေပြီး ဆီးရီးယားမှာ တစ်သောင်းကျော်နဲ့ အီရတ်မှာ တစ်သောင်းကျော်ရှိတယ် လို့သိရပါတယ်။ ကုလသမဂ္ဂပိတ်ဆို့မှုများစောင့်ကြည့်ရေးအဖွဲ့ဟာ အိုင်အက်စ်နဲ့ အယ်ကေးဒါးအဖွဲ့တွေရဲ့လှုပ်ရှားမှုတွေကို စောင့် ကြည့်ပြီး ကုလသမဂ္ဂလုံခြုံရေးကောင်စီကို (၆)လတစ်ကြိမ်အစီရင်ခံရတဲ့ အမှီအခိုကင်းတဲ့အဖွဲ့ဖြစ်ပါတယ်။ အိုင်အက်စ်တွေက ဆီးရီးယားနိုင်ငံထဲက ရက်ကာမြို့ကို (၂၀၁၄)ခုနှစ်မှာသိမ်းယူခဲ့ပြီး သူတို့ရဲ့မြို့တော်အဖြစ် သတ်မှတ်ခဲ့ပေမဲ့ (၂၀၁၇)ခုနှစ်မှာ တော့ ရက်ကာမြို့အပါအ၀င် သူတို့ရဲ့ပိုင်နက်တော်တော်များများကို လက်လွှတ်ခဲ့ရပါတယ်။

 

 

 

Related News