မလေးရှားဘုရင် "ရန်ဒီပူတာနန်ဂန် ဆူတန်မိုဟာမက်ဗီ"ရဲ့ မွေးနေ့အခမ်းအနားအတွက် မလေးရှားစစ်တပ်တွေ အကြိုလေ့ကျင့်မှုကို  စက်တင်ဘာလ(၁၀)ရက်က မလေးရှားနိုင်ငံ ပူတာရာဂျာရာမြို့မှာ ကျင်းပခဲ့ပါတယ်။ အကြိုလေ့ကျင့်မှုတွေကို မလေးရှားအမျိုးသား သူရဲကောင်းများရင်ပြင်မှာ ကျင်းပခဲ့ပြီး တော်ဝင်မလေးရှားတပ်ရဲ့တပ်မှူး ဒုတိယဗိုလ်မှူးကြီး "မို့ရာဒ်ဇီအော့မန်"ဦးဆောင်ပြီး မလေးရှားကြည်းတပ်၊ လေတပ်နဲ့ ရေတပ်တို့က အရာရှိ(၂၈)ဦးနဲ့ အခြားရာထူးအဆင့်ဆင့်က အမှုထမ်း(၅၅၀)လည်း ပါဝင်ခဲ့ပါတယ်။ မလေးရှားဘုရင်ရဲ့မွေးနေ့အခမ်းအနားကိုတော့ စက်တင်ဘာလ(၁၂)ရက်မှာ ကျင်းပမှာဖြစ်ပါတယ်။

အကြိုလေ့ကျင့်မှုမှာ တော်ဝင်မလေးရှားကြည်းတပ်၊ လေတပ်နဲ့ ရေတပ်တို့ရဲ့အလံတွေကို ကိုင်ဆောင်ပြီးသရုပ်ပြချီတက်ခဲ့ကြပါတယ်။ မလေးရှား ဘုရင်ကိုလေးစားမှု၊ ဂုဏ်ပြုမှုနဲ့ သစ္စာစောင့်သိမှုတို့ကိုပြသလိုတဲ့ရည်ရွယ်ချက်နဲ့ အခုလိုသရုပ်ပြခဲ့ကြတာလည်း ဖြစ်ပါတယ်။  

 

 

 

Related News