သြစတြေးလျနိုင်ငံ၊ ဆစ်ဒနီမြို့မှာရောင်းချတဲ့စတော်ဘယ်ရီသီးတွေ၊ ပန်းသီးတွေနဲ့ ငှက်ပျောသီးတွေမှာအပ်တွေပါဝင်နေပါတယ်။ အခုဖြစ်ရပ်က သစ်သီးဝလံစိုက်ပျိုးသူတွေအတွက် အဆိုးဆုံးသတင်းလည်းဖြစ်နိုင်ပြီး ဆစ်ဒနီမြို့က ဈေးဝယ်စင်တာတွေကနေ စတော်ဘယ်ရီသီး၊ ပန်းသီးနဲ့ ငှက်ပျောသီးတွေဝယ်ယူရာမှာ အပ်တွေပါဝင်နေတယ်ဆိုတာတွေ့ခဲ့ရတာပါ။ ဒီဖြစ်ရပ်ဟာ သြစ တြေးလျနိုင်ငံတစ်ဝန်းက သစ်သီးအမှတ်တံဆိပ်တစ်ဒါဇင်ကျော်ကိုထိခိုက်စေခဲ့တယ်လို့ ယူဆနေပြီး အပ်တွေကိုတော့ စတော် ဘယ်ရီသီးတွေမှာပထမဆုံးတွေ့ခဲ့ရတာပါ။ ဒီဖြစ်ရပ်အတွက် တာဝန်ရှိသူတွေကိုလည်း သြစတြေလျရဲတပ်ဖွဲ့ကရှာဖွေနေပါတယ်။ ဒီဖြစ်ရပ်နဲ့ဆက်စပ်နေသူတွေရဲ့အချက်အလက်တွေကိုသတင်းပေးမယ်ဆိုရင် ဆုကြေးပေးသွားမယ်ဆိုပြီး သြစတြေးလျရဲတပ် ဖွဲ့ကကမ်းလှမ်းထားပါတယ်။ အစားအစာတွေထဲ အပ်တွေထည့်ထားတာဟာပြစ်မှုကြီးတစ်ခုဖြစ်ပြီး ထောင်ကျနိုင်တယ်လို့ နယူးဆောက်ဝေး ပြည်နယ်ရဲတပ်ဖွဲ့ကသတိပေးထားပါတယ်။

 

 

Related News