ထိုင်းနိုင်ငံ၊ ဆူရင်ခရိုင် မှာ အမျိုးသားရေးပွဲတော်(၁)ခုအနေနဲ့ ဆင်ယဉ်ကျေးမှုအကြီးဆုံးပွဲတော်ကို နိုဝင်ဘာ(၁၄)ရက် ကနေ(၂၅)ရက်ထိ ကျင်းပနေပါတယ်။ ထိုင်းနိုင်ငံရဲ့ဆင်ယဉ်ကျေးမှုအကြီးဆုံးပွဲတော်ကို ဆူရင်ခရိုင်မှာ ကျင်းပနေပါတယ်။ ဆူရင်ဆင်ပွဲတော်ကို (၁၉၆၀)ခုနှစ်ကစတင် ကျင်းပခဲ့ပြီး အခုနှစ်ပွဲတော်ကိုတော့ ဆူရင်ကုန်သည်ကြီးများအသင်းနဲ့  မိခင်နှင့်ကလေးဖွံ့ဖြိုးရေးအသင်းတို့ဦးဆောင်ပြီး ပြပွဲအ သစ်အမျိုးမျိုးနဲ့ တင်ဆက်ပြသနေပါတယ်။ ဆင်ယဉ်ကျေးမှုပွဲတော်ကို နိုဝင်ဘာလ(၁၄)ရက်ကတရားဝင်ဖွင့်လှစ်ပြီး ဆင်တွေရဲ့ ဖျော်ဖြေမှုအမျိုးမျိုးကို နိုဝင်ဘာ(၂၅)ရက်အထိကြည်ရှုနိုင်မှာပါ။ ညတိုင်းမှာ  ဆင်ငယ်(၇)ကောင်က အထူးပြပွဲအနေနဲ့ဖျော်ဖြေ မှာဖြစ်ပြီး သောကြာနေ့နဲ့ စနေနေ့တို့မှာ လူတွေကဆင်တွေကိုအစားအစာကျွေးတဲ့အစီအစဉ်တွေလည်းပါဝင်မှာဖြစ်ပါတယ်။ ဆင် ယဉ်ကျေးမှုပွဲတော်မှာ ဆင်(၁၆၀)ကောင်နဲ့ ဖျော်ဖြေတင်ဆက်သူ(၂၀၀၀)ကျော်တို့က ဖျော်ဖြေမှု(၉)မျိုးနဲ့ဆင်ထိန်းတွေရဲ့ ဘ၀ကို ပုံဖော်ပြသမှာဖြစ်ပြီး ထိုင်းနိုင်ငံသမိုင်းတစ်လျှောက်မှာ ဆင်တွေအရေးပါတဲ့အခန်းကဏ္ဍကိုဖော်ပြမှာပါ။ ဆင်အကောင် (၁၀၀)ကို အစားအစာကျွေးဖို့ သစ်သီးတန်ချိန်(၃၀)ကို မီတာ(၇၀၀)ရှည်တဲ့စားပွဲပေါ်မှာတင်ထားပြီး အဲဒီအခမ်းအနားအချိန် ရောက်ဖို့  လူ တွေကစောင့်မျှော်နေကြပါတယ်။ (၁၉၆၂)ခုနှစ်ကတည်းက စူရင်ဆင်ယဉ်ကျေးမှုပြပွဲဟာ အမျိုးသားရေးပွဲတော်နဲ့ ထိုင်းဆင်ထိန်း သိမ်းစောင့်ရှောက်ရေးပွဲတော်(၁)ခုဖြစ်ခဲ့ပါတယ်။

 

 

Related News