နှစ်နိုင်ငံကြားကုန်သွယ်ရေးတင်းမာမှုတွေမှာ တရုတ်နိုင်ငံဘက်က လက်မ လျှော့ဘူးဆိုရင် အခွန်ထပ်တိုးကောက်မယ်လို့ အမေရိကန်ဒုတိယသမ္မတမိုက်ခ် ပန့်စ်က တရုတ်နိုင်ငံဘက်ကိုသတိပေးခဲ့ပါ တယ်။ အမေရိကန်နဲ့တရုတ်နိုင်ငံတို့ကြားဖြစ်ပွားနေတဲ့ကုန်သွယ်ရေးစစ်ပွဲမှာ အမေရိကန်ဘက်က လက်လျှော့သွားမှာမဟုတ်ဘဲ အမေရိ ကန်ဘက်ရဲ့လိုလားချက်တွေကို တရုတ်ဘက်က မလိုက်လျောဘူးဆိုရင် အကောက်ခွန်တိုးကောက်နေတာတွေကို နှစ်ဆမြှင့် တင်သွားမယ်လို့ အမေရိကန်ဒုတိယသမ္မတ“မိုက်ခ် ပန့်စ်”က ပြောပါတယ်။ နိုဝင်ဘာလ(၁၇)ရက်က ပါပူဝါနယူးဂီနီနိုင်ငံမှာကျင်း ပခဲ့တဲ့ အာရှ-ပစိဖိတ်စီးပွားရေးပူးပေါင်းဆောင်ရွက်မှုဆိုင်ရာထိပ်သီးအစည်းအဝေးမှာပြောခဲ့တဲ့မိန့်ခွန်းမှာ ပန့်စ်ကထည့်သွင်းပြော ခဲ့တာပါ။ တရုတ်ကုန်ပစ္စည်းအမေရိကန်ဒေါ်လာဘီလီယံ(၂၅၀)ကို အမေရိကန်က အခွန်တိုးကောက်ထားပြီး အကောက်ခွန်နှစ် ဆတိုးကောက်နိုင်သေးတယ်လို့ ပန့်စ်ကပြောပါတယ်။ တရုတ်နိုင်ငံဘက်က ရပ်တည်ချက်မပြောင်းသရွှေ့ အမေရိကန်ကလည်း ရပ်တည်ချက်ပြောင်းသွားမှာမဟုတ်ဘူးလို့ ပြောပါတယ်။ နှစ်နိုင်ငံကုန်သွယ်ရေးတင်းမာမှုတွေထဲမှာ ဖြေရှင်းလိုတဲ့ကိစ္စရပ်တွေကို တရုတ်ဘက်က အမေရိကန်ကို ပေးပို့ခဲ့ပြီးနောက် တရုတ်နိုင်ငံကို နောက်ထပ်အကောက်ခွန်တိုးကောက်သွားမှာမဟုတ်ဘူးလို့ အမေရိကန်သမ္မတဒေါ်နယ်ထရမ့်က နိုဝင်ဘာလ(၁၆)ရက်မှာပြောခဲ့ပါတယ်။ တရုတ်နိုင်ငံကဦးဆောင်အကောင်အထည်ဖော်နေ တဲ့ ခေတ်သစ်ပိုးလမ်းမကြီးစီမံကိန်းနဲ့ ပစိဖိတ်သမုဒ္ဒရာထဲမှာ တရုတ်နိုင်ငံရဲ့တပ်စခန်းချမှုတွေကိုလည်း ပန့်စ်ကဝေဖန်ခဲ့ပါတယ်။

 

 

Related News