ကင်ညာနိုင်ငံ၊ နိုင်ရိုဘီမြို့က ဇိမ်ခံဟိုတယ်(၁)ခုကို ဇန်န၀ါရီလ(၁၅)ရက်က ဆိုမာလီစစ်သွေးကြွတွေတိုက်ခိုက်ခဲ့ပြီးနောက် သေဆုံး သူအနည်းဆုံး(၂၁)ဦးရှိလာပါပြီ။ကင်ညာနိုင်ငံ၊ နိုင်ရိုဘီမြို့က ဇိမ်ခံဟိုတယ်(၁)ခုကို ဇန်န၀ါရီလ(၁၅)ရက်က ဆိုမာလီက အယ်ရှာဘတ် အစွန်းရောက်တွေရဲ့တိုက် ခိုက်မှုကြောင့် သေဆုံးသူ အနည်းဆုံး(၂၁) ဦးရှိလာပြီလို့ ကင်ညာအစိုးရကအတည်ပြုခဲ့ပါတယ်။ တိုက်ခိုက်မှုကြောင့် သွေးမြေကျ ခဲ့ရတဲ့ ဒူစစ်D2ဟိုတယ်နဲ့ စီးပွားရေးအဆောက်အအုံနေရာကနေ လူရာချီထွက်ပြေးခဲ့ပြီးနောက် ဒဏ်ရာရသူ(၂၈)ဦးကို ဆေးရုံပို့ခဲ့ ပြီး လူ(၁၉)ဦးပျောက်ဆုံးနေတယ်လို့ ကင်ညာကြက်ခြေနီအသင်းကပြောပါတယ်။ (၁၉)နာရီကြာတိုက်ပွဲဖြစ်ပွားခဲ့တဲ့ အဲဒီတိုက် ခိုက်မှုရဲ့နောက်ကွယ်မှာ သူတို့ရှိနေတယ်လို့ အယ်ရှာဘတ်အဖွဲ့ကကြေညာခဲ့တာပါ။

အစ္စလာမ်မစ်အစွန်းရောက်(၅)ဦးကို အသေ ပစ်ဖမ်းခဲ့ပြီးနောက် တိုက်ပွဲပြီးဆုံးခဲ့တယ်လို့ ကင်ညာသမ္မတ အူဟူရူ ကန်ယက်တာကပြောပါတယ်။ အစ္စလာမ်မစ်အစွန်းရောက် တွေကို တိုက်ခိုက်ဖို့ (၂၀၁၁)ခုနှစ်၊ အောက်တိုဘာလမှာ ကင်ညာတပ်ဖွဲ့တွေကို စေလွှတ်ခဲ့ပြီးကတည်းက ကင်ညာဟာ အယ်ရှာ ဘတ်ရဲ့ပစ်မှတ်ဖြစ်လာပါတယ်။ (၁၉၉၁)ခုနှစ်ကတည်းက ပြည်တွင်းစစ်ကြောင့် စိတ်ဝမ်းကွဲနေတဲ့ဆိုမာလီနိုင်ငံမှာ ကင်ညာတပ် ဖွဲ့တွေတပ်စွဲထားတာကို လက်စားချေတဲ့အနေနဲ့ တိုက်ခိုက်မှုတွေပြုလုပ်နေတာလို့ အယ်ရှာဘက်အဖွဲ့ဘက်က ပြောထားပါတယ်။ အခုတိုက်ခိုက်ခံရတဲ့ဟိုတယ်နဲ့အဆောက်အအုံတွေက (၂၀၁၃)ခုနှစ်က အယ်ရှာဘတ်ရဲ့တိုက်ခိုက်မှုကြောင့် လူ(၆၇)ဦးသေဆုံးခဲ့ တဲ့ ၀တ်စ်ဂိတ်ဈေးဝယ်စင်တာနဲ့ တစ်ရပ်ကွက်ထဲမှာရှိပါတယ်။ (၂၀၁၅)ခုနှစ်မှာ အယ်ရှာဘတ်က ကင်ညာမှာရှိတဲ့ဂါရစ်ဆာ တက္ကသိုလ်ကို တိုက်ခိုက်ခဲ့စဉ်ကလည်း ကျောင်းသား(၁၅၀)နီးပါးသေဆုံးခဲ့ပါတယ်။

 

 

Related News