တရုတ်နဲ့အမေရိကန်နိုင်ငံတို့ကြားဖြစ်နေတဲ့ကုန်သွယ်ရေးစစ်ပွဲအတွက် (၇)ကြိမ်မြောက်ညှိနှိုင်းမှုတွေလုပ်ဖို့ တရုတ်ဒုတိယ၀န်ကြီး ချုပ်ဖြစ်ပြီးတရုတ်သမ္မတရှီကျင့်ပင်ရဲ့အထူးကိုယ်စားလှယ်လည်းဖြစ်တဲ့ လျူဟီကမနက်ဖြန်မှာ ၀ါရှင်တန်ဒီစီကိုထွက်ခွာမှာဖြစ် ပါတယ်။ မနက်ဖြန်နဲ့သဘက်ခါ(၂)ရက်ညှိနှိုင်းဆွေးနွေးမှုတွေလုပ်မှာဖြစ်ပြီးအမေရိကန်ကုန်သွယ်ရေးကိုယ်စားလှယ် ရောဘတ် လိုက်ဟိုင်ဇာနဲ့ အမေရိကန်ငွေတိုက်ဝန်ကြီးစတီဗင် မနူချင် တို့နဲ့ဆွေးနွေးမှာပါ။ ပြီးခဲ့တဲ့တစ်ပတ်တုန်းကလည်းအဲဒီ(၂)ဦးနဲ့ လျူဟီတို့ တရုတ်နိုင်ငံမှာဆွေးနွေးခဲ့ပါတယ်။ ပြီးခဲ့တဲ့ဒီဇင်ဘာ(၁)ရက်မှာကုန်သွယ်ရေးစစ်ပွဲ(၃)လအပစ်ရပ်ဖို့ သမ္မတရှီနဲ့ အမေရိကန်သမ္မတဒေါ်နယ် ထရမ့်တို့သဘောတူခဲ့ပါတယ်။ (၃)လအတွင်း လုံးဝအပစ်ရပ်မရပ်နိုင်ခဲ့ရင် အမေရိကန်နိုင်ငံဟာတရုတ် နိုင်ငံကတင်သွင်းတဲ့ကုန်ပစ္စည်းအမေရိကန်ဒေါ်လာဘီလီယံ(၂၅၀)ကျော်ဖိုးကို (၁၀)ရာခိုင်နှုန်းအကောက်ခွန်ကောက်ခံရာကနေ (၂၅)ရာခိုင်နှုန်းအထိတိုးမြှင့်ကောက်ခံတော့မှာပါ။

 

 

Related News