ယီမင်နိုင်ငံကအယ်ကေးဒါးအဖွဲ့နဲ့ဆက်စပ်နေတဲ့စစ်သွေးကြွတွေကိုလက်နက်ထောက်ပံ့နေတယ်ဆိုတာဆော်ဒီဦးဆောင်တဲ့ညွှန့်ပေါင်းတပ်ဖွဲ့တွေရဲ့ပြောခွင့်ရသူကတနင်္လာနေ့ကဆော်ဒီအာရေဗျမြို့တော် ရီယာ့ဒ်မှာပြုလုပ်တဲ့သတင်းစာရှင်းလင်းပွဲမှာငြင်းဆိုခဲ့ပါတယ်။ယီမင်အစိုးရတပ်ဖွဲ့တွေနဲ့ ညွှန့်ပေါင်းတပ်ဖွဲ့တွေကိုအဲဒီစစ်သွေးကြွတွေကထောက်ခံဖို့ ဆော်ဒီနဲ့ယူအေအီးနိုင်ငံတို့ပါ ၀င်တဲ့ညွှန့်ပေါင်းအဖွဲ့က အမေရိကန်ဆီကလက်နက်တွေဝယ်ပြီးထောက်ပံ့နေတယ်လို့ ပြောနေကြတာတွေရှိနေပါတယ်။ ညွှန့် ပေါင်းတပ်ဖွဲ့တွေကယီမင်မှာ အကြမ်းဖက်ဝါဒကို တိုက်ခိုက်နေပြီးအယ်ကေးဒါးကလည်းသူတို့ရဲ့ပစ်မှတ်တွေထဲကတစ်ခုလို့ ညွှန့်ပေါင်းတပ်ဖွဲ့ပြောခွင့်ရသူတာကီအယ်လ် မာကီကပြောပါတယ်။ ဆော်ဒီဦးဆောင်တဲ့ညွှန့်ပေါင်းတပ်ဖွဲ့တွေက (၂၀၁၅)ခုနှစ် မှာစပြီးယီမင်ပြည်တွင်းစစ်မှာအီရန်ကျောထောက်နောက်ခံပေးထားတဲ့ဟူသီခွဲထွက်ရေးသမားတွေကိုတိုက်ခိုက်ခဲ့ချိန်ကစလို့ ယီမင်နဲ့ဆော်ဒီနယ်စပ်မှာလက်နက်ကိုင်ပဋိပက္ခတွေမကြာခဏဖြစ်ပွားပါတယ်။

 

 

Related News