အီဂျစ်ကမ်းလွန်မှာ ပြီးခဲ့တဲ့သုံးနှစ်အတွင်း ဒုတိယမြောက်သဘာဝဓာတ်ငွေ့သိုက်တစ်ခု ကိုအီတလီစွမ်းအင် ကုမ္ပဏီENIကတွေ့ရှိခဲ့ပါတယ်။အီဂျစ်နိုင်ငံရဲ့ကမ်းလွန်ပင်လယ်ပြင်မှာဓာတ်ငွေ့သိုက်တစ်ခုကိုရှာဖွေတွေ့ရှိခဲ့တယ်လို့ အီတလီစွမ်းအင်ကုမ္ပဏီကြီးENIကကြေညာခဲ့ပါတယ်။ အခုတွေ့ရှိတဲ့ဓာတ်ငွေ့သိုက်ဟာ ပြီးခဲ့တဲ့(၃)နှစ်အတွင်းအီဂျစ်မှာENIရဲ့ဒုတိယမြောက်အဓိကရှာဖွေတွေ့ရှိမှုဖြစ် လာတာပါ။ အခုဓာတ်ငွေ့သိုက်ကိုနောလို့နာမည်ပေးထားပြီးမြေထဲပင်လယ်အရှေ့ပိုင်းမှာအကြီးဆုံးဓာတ်ငွေ့သိုက်ဖြစ်လာမှာပါ။

ဓာတ်ငွေ့သိုက်ကကမ်းခြေနဲ့နီးပြီးဆီနိုင်းပြည်နယ်မြောက်ဘက်မှာရှိတာကြောင့် အီဂျစ်နိုင်ငံအနေနဲ့ ဆီနိုင်းပြည်နယ်တိုးတက် ရေးအတွက် လုပ်နိုင်မယ်လို့ အီဂျစ်ရေနံကုန်သည်ကြီးများသမဂ္ဂအဖွဲ့ဝင် ဟူစိန် အယ်ဂါ့ဇ်ဇွေးကပြောပါတယ်။ ရေတိမ်မှာရှိပြီး (၂၉၅)မီတာမှာရှိတယ်လို့လည်းသိရပါတယ်။ အကြီးဆုံးသဘာဝဓာတ်ငွေ့သိုက်ဖြစ်တဲ့ဇောနဲ့အခုတွေ့ထားတဲ့နောနဲ့ပူးပေါင်းမယ်ဆိုရင် အီဂျစ်ရဲ့ပြည်တွင်းလိုအပ်ချက်ထက်ပိုလျှံနေပြီးအီဂျစ်ဟာသဘာဝဓာတ်ငွေ့တင်ပို့တဲ့နိုင်ငံဖြစ်လာမှာပါ။

အီဂျစ်ကရေနံနဲ့ဓာတ်ငွေ့ကဏ္ဍမှာ ရုတ်တရက်အရှိန်အဟုန်တိုးတက်လာတာကအီဂျစ်အစိုးရကရေနံလုပ်ငန်းတွေကိုဆွဲဆောင်ထားတာကြောင့်ဖြစ်ပါတယ်။ (၂၀၁၁)နဲ့(၂၀၁၃)ခုနှစ်တွေကလူထုအုံကြွမှုတွေအတွင်းအီဂျစ်ဟာ နိုင်ငံခြားရေနံလုပ်ငန်းတွေကိုအကြွေးပေးစရာတွေကျန်ခဲ့ပြီးအစိုးရရဲ့ဆွဲဆောင်မှုတွေကြောင့် အငြင်းပွားနေရတဲ့ဖြစ်ရပ်တွေအားလုံးကိုလည်းဖြေရှင်းပြီးသားဖြစ်လာပါတယ်။ အခုနောက်ဆုံးတွေ့ရှိတာတွေကြောင့် နိုင်ငံခြားရေနံလုပ်ငန်းတွေအနေနဲ့ အီဂျစ်မှာပိုပြီးရင်းနှီးမြှုပ်နှံလိုနေကြပြီးမြေထဲပင်လယ်နဲ့ ပင်လယ်နီတို့ရဲ့ကမ်းလွန်မှာနောက်ထပ်လုပ်ကွက်တွေတောင်းဆိုနေပါတယ်။

 

 

Related News