ရေရှားပါးတဲ့ဒဏ်တွေ့ကြုံနေရတဲ့ကင်ညာနိုင်ငံမှာ ပမာဏနည်းပေမဲ့ ရေရှည်တည်တံ့တဲ့ ရေအရင်းအမြစ်တွေဖွံဖြိုးစေမယ့် စနစ်တစ်ခုကို ဖန်တီးနိုင်ခဲ့ပါတယ်။ အာဖရိကအရှေ့ပိုင်းကကင်ညာနိုင်ငံမှာ သန့်ရှင်းပြီးစိတ်ချရတဲ့ရေမရတဲ့နိုင်ငံသား(၁၉)သန်းနဲ့ ခေတ်မီရေသန့်စနစ်မရသေးတဲ့ နိုင်ငံသား(၂၇)သန်းတို့အတွက် ရေရှားပါးမှုသက်သာစေဖို့ ရေအရင်းအမြစ်ဖွံ့ဖြိုးစေတဲ့စနစ်ကိုတီထွင်ဖို့ ကြိုးပမ်းနေပါတယ်။ ဖြစ် လာမယ့် ရေအရင်းအမြစ်ထိန်းသိမ်းမှုပုံစံငယ်တစ်ခုအတွက် ရေနဲ့ စွမ်းအင်ဖြေရှင်းမှုကုမ္ပဏီတစ်ခုက သာသနာပြုအဖွဲ့တွေ၊ ဒေသ ခံအသိုက်အ၀န်းတွေနဲ့ ပူးတွဲအလုပ်လုပ်နေတာပါ။ မြို့တော်နိုင်ရိုဘီကနေ (၆၀)ကီလိုမီတာအကွာမှာရှိတဲ့ အီဆင်ယာ ကောင်တီ ခွဲမှာ မနက်ပိုင်းမှာအပူချိန်(၃၀)ဒီဂရီနီးဆဲလ်စီးယက်စ်နီးပါးရှိပြီး ရေရဖို့ ဝေးဝေးလံလံသွားရင်း ဒုက္ခတွေရောက်ခဲ့ရ ပေမဲ့ ရေပေး ဝေတဲ့စီမံကိန်းမရှိဘူးလို့ ဒေသခံလယ်သမားအီမန်နျူရယ် ဂီရိုယိုကပြောပါတယ်။

နေရောင်ခြည်စွမ်းအင်းသုံး အ၀ီစိတွင်းတွေက သာသနာပြုအဖွဲ့တစ်ဖွဲ့နဲ့ ဒေသခံကုမ္ပဏီတစ်ခုတို့ရဲ့အစဆုံးခြေလှမ်းဖြစ်ပြီး အဲဒါက ကလေးတွေရဲ့အိမ် တစ်အိမ်နဲ့ ဒေသအသိုက် အ၀န်းတစ်ခုအတွက် ရေပေးနိုင်ပါတယ်။ (၂၀၁၈)ခုနှစ်စလုပ်ခဲ့တဲ့အဲဒီစီမံကိန်းဟာ အမေရိကန် ဒေါ်လာ(၃)သောင်းခွဲလောက်ကုန် ပေမဲ့ တစ်နာရီကိုရေလီတာ(၅၀၀)လောက်ထုတ်ပေးနိုင်ပြီး တိရစ္ဆာန်အကောင် (၁၀၀၀) လောက်ကို ရေတိုက်နိုင်ပါတယ်။ စနစ်အ တွက် စွမ်းအင်ကို နေရောင်ခြည်စွမ်းအင်ကနေ ထုတ်ပေးတာဖြစ်ပြီး အလို အလျောက် လည်ပတ်တာလည်းဖြစ်ပါတယ်။ ရေလာလို့ ဒီဒေသမှာရေရှားတယ်ဆိုတာ အတိတ်ကဖြစ်ရပ်ဖြစ်သွားသလို သူတို့ရဲ့တိရစ္ဆာန်တွေနဲ့ လူတွေအတွက်လည်း ရေရနေတယ်လို့ ဂီရိုယိုကပြောပါတယ်။ ကင်ညာနိုင်ငံတစ်ဝန်းမှာ ရေရနိုင်မယ့်စီမံကိန်း(၆၅)ခုဆောင်ရွက်နေပြီး (၂၀၁၈)ခုနှစ်ထဲမှာတင် လူ (၆၀၀၀၀)ရေရအောင်လုပ်ပေးနိုင်ခဲ့ပါတယ်။

 

 

 

 

 

 

 

Related News