စနေနေ့တုန်းကကဘူးလ်မြို့က အစိုးရရုံးတစ်ရုံးတိုက်ခိုက်ခံခဲ့ရလို့ ၀င်တိုက်တဲ့လူ(၄)ယောက်အပါအ၀င် လူ(၁၁)ယောက်သေဆုံးခဲ့ပြီး အရပ်သား(၈)ယောက်ဒဏ်ရာရခဲ့တယ်လို့ အာဖဂန်ပြည်ထဲရေးဝန်ကြီးဌာနကအတည်ပြုပါတယ်။ အာဖဂန်နစ္စတန်နိုင်ငံမြို့တော်ကဘူးလ်မှာစနေနေ့က (၁၈)ထပ်မြင့်တဲ့ အာဖဂန်ဆက်သွယ်ရေးနှင့်သတင်းအချက်အလက်နည်း ပညာဝန်ကြီး ဌာနရုံးအဆောက်အအုံကိုသေနတ်တွေ၊ လက်ပစ်ဗုံးတွေနဲ့ အသေခံဗုံးခွဲရင်သုံးတဲ့ဗုံးခါးပတ်တွေလိုလက်နက်တွေပါ တဲ့ တိုက်ခိုက်ရေးသမားတွေ ၀င်တိုက်ခဲ့လို့ လူ(၁၁)ယောက်သေဆုံးပြီးအရပ်သား(၈)ယောက်ဒဏ်ရာရခဲ့ပါတယ်။ တိုက်ပွဲဖြစ်ခဲ့ တာ(၅)နာရီလောက်ကြာခဲ့တာပါ။ သေဆုံးခဲ့ သူတွေကအရပ်သား(၄)ယောက်၊ အာဖဂန်လုံခြုံရေးတပ်ဖွဲ့ဝင်(၃)ယောက်နဲ့ တိုက် ခိုက်ရေးသမား(၄)ယောက်တို့ဖြစ်တယ်လို့ အာဖဂန်ပြည်ထဲ ရေး ၀န်ကြီးဌာနက သိရပါတယ်။ ပေါက်ကွဲမှုတွေဖြစ်တော့ အထပ်တိုင်းမှာရှိတဲ့လုံခြုံရေးအခန်းတွေမှာ ၀င်ပုန်းခဲ့ရပြီးတော့ အခန်းထဲမှာရှိနေ တာတောင် ပေါက်ကွဲသံတွေနဲ့ သေနတ်သံတွေကြားနေရတုန်းပဲလို့ ပေါက်ကွဲမှုဖြစ်နေတုန်း ရုံးထဲမှာ ရှိနေတဲ့ရုံးဝန်ထမ်းတစ်ယောက်က ဖြစ်စဉ် ကိုပြောပြပါတယ်။ အာဖဂန်အထူးတပ်ဖွဲ့ဝင် တွေကအဲဒီရုံးမှာရှိနေတဲ့လူ(၂၀၀၀)လောက်ကိုဘေးလွတ်ရာ ရွှေ့ပြောင်းပေးခဲ့ရတယ်လို့လည်း အာဖဂန်ပြည်ထဲရေးဝန်ကြီးဌာနကသိရပါတယ်။ ဒီဖြစ်ရပ်နောက်ကွယ်မှာသူတို့ရှိနေတယ်လို့ ဘယ်အဖွဲ့ကမှပြောမထားသေးပါဘူး။ တာလီဘန်စစ်သွေးကြွအဖွဲ့ ကလည်းဒီဖြစ်ရပ်မှာ မပါဝင်ထားဘူးလို့ ငြင်းဆိုထားပါတယ်။

 

Related News