ယူကရိန်းသမ္မတရွေးကောက်ပွဲမှာ ယူကရိန်းဟာသသရုပ်ဆောင် "ဗိုလော်ဒီမာ ဇီလန်စကီ"အနိုင်ရခဲ့တယ်လို့ ယူကရိန်းဗဟိုရွေး ကောက်ပွဲ ကော်မရှင်တရားဝင်ဝက်ဘ်ဆိုက်မှာ အင်္ဂါနေ့က ထုတ်ပြန်ခဲ့ပါတယ်။ ဒုတိယအကျော့သမ္မတရွေးကောက်ပွဲမှာ ဇီလန်စကီကို ထောက်ခံမဲပေး ခဲ့တဲ့လူ(၇၃.၂၂)ရာခိုင်နှုန်းရှိပြီး ပြိုင်ဘက်လက်ရှိသမ္မတ "ပတ်ထရို ပေါ်ရိုချန်ကို"ကတော့ ထောက်ခံမဲ (၂၄.၄၅) ရာခိုင်နှုန်းရခဲ့တာပါ။ အဲဒီရွေးကောက်ပွဲမှာ မဲလာပေးသူ(၆၁.၃၇)ရာခိုင်နှုန်းရှိခဲ့တယ်လို့ ရွေးကောက်ပွဲကော်မရှင်ရဲ့နောက်ဆုံးမဲရေတွက်မှုအရသိရပါတယ်။ မတ်(၃၁)ရက်မှာ ကျင်းပခဲ့တဲ့ပထမအကျော့သမ္မတရွေးကောက်ပွဲမှာ ထောက်ခံမဲ (၅၀)ရာခိုင်နှုန်းကျော်ရတဲ့ သမ္မတလောင်းမရှိလို့ ဧပြီ(၂၁) ရက်မှာ ဒုတိယအကျော့သမ္မတရွေးကောက်ပွဲကိုကျင်းပခဲ့တာပါ။ သမ္မတသစ်ဟာ သမ္မတသက်တမ်း(၅)နှစ်အတွက် ဇွန်(၃)ရက် နောက်ဆုံး ထားပြီး သမ္မတ တာဝန်ထမ်းဆောင်ရမယ်လို့ ခန့်မှန်းထားပါတယ်။

 

 

Related News