ပြီးခဲ့တဲ့သောကြာနေ့မှာတရုတ်သွင်းကုန်အမေရိကန်ဒေါ်လာဘီလီယံ(၂၀၀)ဖိုးလောက်ကိုအခွန်(၂၅)ရာခိုင်နှုန်းအထိတိုးကောက်ခဲ့တဲ့အမေရိကန်ရဲ့လုပ်ရပ်ဟာ နိုင်ငံသားစားသုံးသူတွေကိုထိခိုက်စေနိုင်တယ်လို့ နိုင်ငံတကာကုန်သွယ်ရေးဆိုင်ရာ ကျွမ်းကျင်သူတစ်ယောက်ကသုံးသပ်ပြောဆိုပါတယ်။ အမေရိကန်သမ္မတကတရုတ်သွင်းကုန်တွေကိုအခွန်တိုးကောက်ပြီး တ ရုတ်နိုင်ငံဘက်ကိုတုံ့ပြန်ခဲ့ပေမဲ့ တကယ်တမ်းကတော့ အမေရိကန်စီးပွားရေးလုပ်ငန်းတွေနဲ့စားသုံးသူတွေကအဲဒီအခွန်တွေကိုပေးရတာလို့ တောင်ကယ်လီဖိုးနီးယားတက္ကသိုလ်ကဂိုးဥပဒေကျောင်းရဲ့ ဥပဒေအပြောင်းအလဲနှင့်စီးပွားရေးစင်တာညွှန်ကြားရေးမှူး ဘရိုင်ယန် ပတ်ကပြောပါတယ်။ အခွန်ဆက်ပြီးတိုးကောက်လေလေအမေရိကန်တွေပဲပိုပြီးနစ်နာလေလေလို့လည်းပတ် ကပြောပါတယ်။ (၂၀၁၈)ခုနှစ်မှာအကောက်ခွန်အပြန်အလှန်စပြီးတိုးကောက်ကတည်းကကမ္ဘာ့စီးပွားရေးချဲ့ထွင်မှုကျဆင်းခဲ့ တယ်ဆိုပြီး နိုင်ငံတကာငွေကြေးရန်ပုံငွေအဖွဲ့(IMF)က အစီရင်ခံထားတယ်လို့ ပတ်ကပြောပါတယ်။ အမေရိကန်ရဲ့စည်းကြပ်ခွန် တွေကိုတုံ့ပြန်တဲ့အနေနဲ့ အင်္ဂါနေ့မှာအမေရိကန်သွင်းကုန်ဒေါ်လာဘီလီယံ(၆၀)လောက်ကိုတရုတ်ကစည်းကြပ်ခွန်(၅)ဆတိုးကောက်ခဲ့ပါတယ်။

 

Related News