စီးပွားရေးထိခိုက်နေတဲ့ဆီးရီးယားနိုင်ငံမှာ ပြည်တွင်းအထည်ချုပ်လုပ်ငန်းတွေကစရိတ်လျှော့ချတဲ့အနေနဲ့ အရည်အသွေးနိမ့်တဲ့ ကုန်ကြမ်းတွေသုံးလာကြလို့ အရည်အသွေးနိမ့်ထုတ်ကုန်တွေကို နိုင်ငံသားတွေကမသုံးကြဘဲ အ၀တ်ဟောင်းဈေးကွက် ကတော့ ပိုကြီးထွားလာပါတယ်။ ဆီးရီးယားနိုင်ငံမှာနှစ်နဲ့ချီပြီးစစ်ဖြစ်နေလို့ လူသားချင်းစာနာထောက်ထားမှုဆိုင်ရာဒုက္ခတွေ ရှိနေရုံတင်မကဘဲ စီးပွားရေးကိုလည်းဆိုးကျိုးသက်ရောက်မှုတွေ ရှိနေပါတယ်။ အနောက်နိုင်ငံတွေရဲ့စီးပွားရေးပိတ်ဆို့မှုတွေကြောင့် ဈေးနှုန်းတွေမြင့်တက်နေချိန်မှာပဲ ဆီးရီးယားနိုင်ငံသားတွေရဲ့ ၀ယ်နိုင်စွမ်းကလည်းကျဆင်းနေလို့ အ၀တ်ဟောင်းတွေ ၀ယ်ယူတာဟာ ဆီးရီးယားနိုင်ငံသားတွေအတွက် ရွေးချယ်စရာတစ်ခုဖြစ်နေပါတယ်။ မြို့တော်ဒမားစကတ်နားမှာ အ၀တ်ဟောင်းတွေပြန်ရောင်းတဲ့ ဈေးတစ်ဈေးက လူသိအများဆုံးဈေးတွေထဲက တစ်ခုပါ။ စစ်မဖြစ်ခင်ကတော့ အဲဒီဈေးမှာစီးပွားရေးကောင်းခဲ့ပေမဲ့ စစ်ဖြစ်ခဲ့ပြီးတဲ့နောက် အသုံးပြုပြီးသားကုန်စည်တွေကို ပြန်ဝယ်တဲ့လူတွေများလာပြီး လက်ရှိမှာတော့ အဲဒီဈေးကကျေနပ်လောက်တဲ့အထိ ဈေးစစ်ကြတဲ့ဈေးဝယ်တဲ့လူတွေနဲ့ ပြည့်ကြပ်နေပါပြီ။ စစ်မဖြစ်ခင်ကထက် အ၀တ်ဟောင်းတွေပြန်ရောင်းတဲ့ဈေးကွက်က(၂)ဆလောက်ကြီးလာတယ်လို့ အဲဒီဈေးမှာ အ၀တ်ဟောင်းတွေတွေပြန်ရောင်းတဲ့ဈေးသည်တစ်ယောက်က ပြောပါတယ်။ လက်ရှိဆီးရီးယားက စီးပွားရေးအခြေအနေတွေကြောင့် ပြည်တွင်းအထည်ချုပ်လုပ်ငန်းတွေက အသုံးစရိတ်လျှော့ချနေရလို့ အရည်အသွေးမကောင်းတာကလည်း အ၀တ်ဟောင်းဈေးကွက်ပိုကြီးထွားလာစေတဲ့ အချက်တစ်ချက်ပါ။ ဈေးကွက်ကြီးထွား လာပေမဲ့ အရည်အသွေးပိုင်းတာဝန်ယူကြီး ကြပ်ပေးမယ့်အဖွဲ့အစည်းတွေမရှိလို့ အ၀တ်ဟောင်းတွေရဲ့ သန့်ရှင်းမှုကလည်း စိတ်ပူစရာကောင်းနေပါတယ်။

 

Related News