ပြီးခဲ့တဲ့တစ်ပတ်မှာ ဗြိတိန်တော်ဝင်ရေတပ်ကသိမ်းဆည်းခဲ့တဲ့ အီရန်ပိုင်ရေနံတင်သင်္ဘောကိုချက်ချင်းပြန်လွှတ်ပေးဖို့ အီရန်က ဗြိတိန်ကိုတောင်းဆိုလိုက်တယ်လို့ အီရန်နိုင်ငံခြားရေးဝန်ကြီးဌာနပြောခွင့်ရသူအဘတ်စ် မူဆာဗီကအစိုးရပိုင် IRNAသတင်းအေဂျင်စီကိုပြောပါတယ်။ ဥရောပသမဂ္ဂ(အီးယူ)ရဲ့ပိတ်ဆို့မှုတွေကိုဆန့်ကျင်ပြီး ဆီးရီးယားနိုင်ငံကို ရေနံသွားပို့ဖို့စီစဉ်နေတာလို့ သံသယရှိလို့ သင်္ဘောကိုသိမ်းဆည်းခဲ့တာလို့ ဗြိတိန်ဘက်ကပြောထားပါတယ်။ တကယ်လို့ ဗြိတိန်က ပြန်မလွှတ်ဘူးရင် အလားတူလုပ်ရပ်တွေပြန်လုပ်သွားမယ်လို့လည်းအီရန်ကသတိပေးပါတယ်။ ဗြိတိန်ဟာလည်း (၂၀၁၅)ခုနှစ်ကအီရန်နဲ့အင်အား ကြီးနိုင်ငံတွေကြားချုပ်ဆိုထားတဲ့နျူကလီးယားကန့်သတ်စာချုပ် (JCPOA)မှာပါဝင်ခဲ့ပါတယ်။ အမေရိကန်ကတော့ (၂၀၁၈) ခုနှစ်မှာစာချုပ်ကနေနုတ်ထွက်ပြီး စာချုပ်အရရုတ်သိမ်းထားတဲ့ စီးပွားရေးပိတ်ဆို့မှုတွေပြန်လုပ်ပြီး အီရန်နျူကလီးယားလက်နက် ဖျက်သိမ်းရေးအကြပ်ကိုင်နေပါတယ်။

 

 

Related News