သောကြာနေ့ကဆိုမာလီယာနိုင်ငံမှာအကြမ်းဖက်တိုက်ခိုက်မှုကြောင့် နည်းဆုံးလူ(၂၆)ယောက် သေဆုံးပြီး (၅၆)ယောက်ဒဏ်ရာရခဲ့တယ်လို့ အာဏာပိုင်တွေကအတည်ပြုပါတယ်။ သောကြာနေ့မှာဆိုမာလီယာနိုင်ငံကကစ်မာယိုဆိပ်ကမ်းမြို့မှာအကြမ်းဖက်တိုက်ခိုက်မှုဖြစ်ခဲ့လို့ အနည်းဆုံးလူ(၂၆)ယောက် သေဆုံးပြီးနောက်ထပ်(၅၆)ယောက်ဒဏ်ရာရခဲ့တယ်လို့ အာဏာပိုင်တွေကစနေနေ့မှာအတည်ပြုပါတယ်။

အယ်ရှာဘတ်စစ် သွေးကြွအဖွဲ့ဝင်အသေခံဗုံးခွဲတဲ့လူတစ်ယောက်က ဖောက်ခွဲရေးပစ္စည်းတွေပါတဲ့ကားတစ်စီးကို ဟော်တယ်တစ်ခုထဲမောင်းဝင်ခဲ့လို့ နိုင်ငံခြားသား(၁၀)ယောက်သေဆုံးခဲ့တယ်လို့ ပြည်နယ်ဝန်ကြီးချုပ်အာမတ် မာဒိုဘီကအတည်ပြုပါတယ်။ ၀န်ကြီးတွေနဲ့ လွှတ်တော်အမတ်တွေတည်းလေ့ရှိတဲ့ဟော်တယ်မှာဖြစ်ခဲ့တဲ့တိုက်ခိုက်မှုကိုအယ်ရှာဘတ်စစ်သွေးကြွအဖွဲ့ကလုပ်တာလို့လည်းမာဒိုဘီက ပြောပါတယ်။

အယ်ကေဒါအဖွဲ့နဲ့မိတ်ဖက်ဖြစ်တဲ့ အယ်ရှာဘတ်ကလည်းဒီဖြစ်ရပ်ဟာသူတို့ရဲ့ လုပ်ရပ်ဖြစ်တယ်လို့ ၀န်ခံထား ပါတယ်။ အာဖရိကညွှန့်ပေါင်းတပ်ဖွဲ့တွေကစစ်ဆင်ရေးတွေအရှိန်မြှင့်လုပ်နေပေမဲ့ အယ်ရှာဘတ်ကတော့ ညွှန့်ပေါင်းအဖွဲ့တွေရဲ့ အခြေစိုက်စခန်းတွေ၊ ဟိုတယ်တွေနဲ့ အများနဲ့ဆိုင်တဲ့နေရာတွေကိုပစ်မှတ်ထားပြီးဆိုမာလီနဲ့ အာဖရိကငြိမ်းချမ်းရေးထိန်းသိမ်းမှု တပ်ဖွဲ့တွေကို ပြန်တိုက်ခိုက်နေပါတယ်။

 

Related News