ဥရောပသမဂ္ဂ(အီးယူ)ရဲ့အရေးပါတဲ့အစိတ်အပိုင်းတစ်ခုဖြစ်တဲ့ဥရောပကော်မရှင်ဥက္ကဋ္ဌနေရာအတွက် အမျိုးသမီးတစ်ယောက်ကို ပထမဆုံးရွေးကောက်တင်မြှောက်ခဲ့ပါတယ်။ဂျာမနီနိုင်ငံရဲ့ကာကွယ်ရေးဝန်ကြီးအာဆူလာဗွန်ဗန်ဒါလီယန်ဟာဥရောပကော်မရှင်ရဲ့ဥက္ကဋ္ဌအဖြစ်ရွေးကောက်ခံလိုက်ရပါပြီ။ နိုဝင်ဘာ(၁)ရက်မှာလက်ရှိဥက္ကဋ္ဌဂျင်းကလော်ဒီ ဂျန်ကာရဲ့တာဝန်ကို ဗဟိုလက်ယာယိမ်းဗွန်ဗန်ဒါလီယန်ကဆက်ခံမှာပါ။ အင်္ဂါနေ့ညနေပိုင်းမှာ ဥရောပလွှတ်တော်အမတ်တစ်ဝက်ကျော်ရဲ့ထောက်ခံမဲတွေကိုရခဲ့ပြီး ရွေးကောက်ခံခဲ့ရတာပါ။ ဥရောပ ကော်မရှင်ကဥရောပသမဂ္ဂ(အီးယူ)မှာဥပဒေကြမ်းတွေတင်သွင်းရပြီးအီးယူနိုင်ငံတွေရဲ့တရားဥပဒေစိုးမိုးရေးကို တာဝန်ယူရသလို တကယ်လို့လိုအပ်လာရင် အဖွဲ့ဝင်နိုင်ငံတွေကိုဒဏ်ကြေးသတ်မှတ်နိုင်တဲ့အာဏာလည်းရှိပါတယ်။

သူ့ကိုယုံတာကဥရောပကို ယုံကြည်ချက် ထားတာပဲလို့ ဗွန်ဗန်ဒါလီယန်က လွှတ်တော်အမတ်တွေမဲမပေးခင်မှာပြောတဲ့မိန့်ခွန်းမှာထည့်သွင်းပြောဆိုပါတယ်။ ဘရပ်ဆဲလ်မြို့မှာမွေးခဲ့တဲ့ဗွန်ဗန်ဒါလီယန်မှာကလေး(၇)ယောက်ရှိပြီး နိုင်ငံရေးသမားမဖြစ်ခင်ကသားဖွားမီးယပ်အထူးကုဆရာ ၀န်တစ်ယောက်ဖြစ်ပါတယ်။ ရလဒ်ကောင်းတွေထွက်လာဖို့ အတူတူအလုပ်ကြရအောင်လို့လည်းဗွန်ဗန်ဒါလီယန်ကတိုက်တွန်းခဲ့ ပါတယ်။ ဂျာမနီစစ်တပ်မှာလက်နက်ကိရိယာကြာရှည်ရှားပါးနေတဲ့ပြဿနာကြောင့် အသက်(၆၀)ရှိပြီဖြစ်တဲ့သူ့ကို ဝေဖန်မှုတွေ ရှိနေပြီးသူ့ရဲ့စီမံခန့်ခွဲမှုဟာသွေးအေးပြီးခွဲထွက်တဲ့ပုံစံဖြစ်နေတယ်လို့လည်း ဝေဖန်နေကြပါတယ်။ အီးယူကိုလူမှုဖူလုံရေးကဏ္ဍ မှာပိုအရေးပါတဲ့နေရာရောက်အောင် တွန်းအားပေးဖို့၊ ဆင်းရဲမှုဖြေရှင်းဖို့နဲ့ အမျိုးသမီးအခွင့်အရေးအတွက် ရပ်တည်သွားမယ်လို့ ဗွန်ဗန်ဒါလီယန်က ကတိပြုခဲ့ပါတယ်။

 

 

Related News