ပြိုင်ဘက်ကုမ္ပဏီတစ်ခုကိုထိခိုက်စေတဲ့ဈေးကွက်အမြတ်ကြီးစားတဲ့လုပ်ရပ်ကြောင့် အမေရိကန်ချစ်ပ်ပြားကုမ္ပဏီကွယ်ကွန်းကိုဥရောပကော်မရှင်ကယူရို(၂၄၂)သန်းဒဏ်ငွေတပ်လိုက်ပါတယ်။ဈေးနှုန်းအမြတ်ကြီးစားတယ်ဆိုပြီးအမေရိကန်ချစ်ပ်ပြားကုမ္ပဏီကွယ်ကွန်းကိုဥရောပကော်မရှင်က ကြာသပတေးနေ့မှာဒဏ် ငွေယူရို(၂၄၂)သန်းဆောင်ခိုင်းခဲ့ပါတယ်။ (၂၀၀၉)နှစ်လယ်နဲ့ (၂၀၁၁)နှစ်လယ်ကြားမှာကွယ်ကွန်းရဲ့(3G)ချစ်ပ်ပြားတွေနဲ့ဆက် စပ်နေတဲ့ကိစ္စကြောင့် ဒဏ်ငွေတပ်ခဲ့တာလို့ ဥရောပကော်မရှင်ရဲ့ဈေးကွက်ပြိုင်ဆိုင်မှုမူဝါဒဆိုင်ရာတာဝန်ခံမာဂရတ် ဗက်စတာဂါ က ပြောပါတယ်။

ကွယ်ကွန်းရဲ့ပြိုင်ဘက်အီစီရာကိုဖယ်ရှားဖို့ရည်ရွယ်ချက်နဲ့ ဖုန်းကနေအင်တာနက်ချိတ်ဆက်ရာမှာအဓိကပစ္စည်းတွေဖြစ်တဲ့BasebandChipsetတွေကိုဈေးနှိမ်ရောင်းခဲ့တယ်လို့ ဥရောပကော်မရှင်ကတွေ့ခဲ့ရတာပါ။ အီစီရာကို (၂၀၁၁)ခုနှစ်၊ မေမှာ အမေရိကန်နည်းပညာကုမ္ပဏီနဗီးဒီးယားက၀ယ်ယူခဲ့ပါတယ်။ ဈေးကွက်စံနှုန်းတွေကိုချိုးဖောက်ခဲ့လို့ ဒဏ် တပ်ခဲ့တဲ့အခုဖြစ်ရပ်ဟာ (၂၀၁၈)ခုနှစ်မှာ ကွယ်ကွန်းရထားတဲ့ဈေးကွက်ငွေဝင်ငွေထွက်ရဲ့(၁.၂၇)ရာခိုင်နှုန်းကိုကိုယ်စားပြုပြီးဈေးကွက်ပြိုင်ဆိုင်မှုကိုဆန့်ကျင်တဲ့လုပ်ရပ်တွေမလုပ်နိုင်အောင် ဈေးကွက်ပြိုင်ဘက်တွေကိုတားဆီးဖို့လည်းရည်ရွယ်တယ်လို့ ဥရောပကော်မရှင်ကပြောပါတယ်။ ကွယ်ကွန်းအနေနဲ့ အနာဂတ်မှာအလားတူပစ္စည်းတွေနဲ့အကျိုးသက်ရောက်မှုတွေရှိလာမယ့် လုပ်ရပ်တွေမလုပ်ဖို့လည်းအီးယူဘက်ကအမိန့်ပေးထားပါတယ်။

 

 

Related News