အီရန်စီးပွားရေးရာနှင့်ဘဏ္ဍာရေးဝန်ကြီး “မာဆွတ် ကာဘာစီယန်”ကို ရာထူးကနေ ထုတ်ပယ်ဖို့ အီရန်လွှတ်တော်အမတ်(၁၃၇) ဦးက ထောက်ခံမဲ့ပေးခဲ့ပြီး (၁၂၁)ဦးကတော့ ကန့်ကွက်မဲပေးခဲ့ပါတယ်။ ပြီးခဲ့တဲ့(၂)ပတ်လောက်က အီရန်အလုပ်သမားနှင့်လူမှု ဖူလုံရေးဝန်ကြီး “အလီ ရာဘီအီ” ကို အီရန်လွှတ်တော်က ဖြုတ်ချခဲ့ပြီးနောက် “ကာဘာစီယန်” ကိုရာထူးကနေ ထုတ်ပယ်ဖို့ မဲပေး ခဲ့တာပါ။ ဇူလိုင်လ(၁၉)ရက်မှာ “ကာဘာစီယန်” ကိုစွပ်စွဲပြစ်တင်ဖို့အဆိုကို လွှတ်တော်အမတ်(၃၃)ဦးက တင်သွင်းခဲ့ပြီး ဇူလိုင် လ(၂၆)ရက်မှာ သဘောတူခဲ့တာကြောင့် မဲခွဲဆုံးဖြတ်ခဲ့တာပါ။

နိုင်ငံရဲ့စီးပွားရေးရာကိစ္စရပ်တွေကို ကောင်းကောင်းမစီမံနိုင်တာ၊ နိုင်ငံရဲ့စီးပွားရေးကိုကျားကန်ပေးထားနိုင်တဲ့မူဝါဒတွေကို အကောင်အထည်မဖော်နိုင်တာ၊ ငွေကြေးလဲလှယ်မှုကို မကြီးကြပ်နိုင် တာနဲ့ ပွင့်လင်းမြင်သာတဲ့စီးပွားရေးစနစ်ကို အကောင်မဖော်နိုင်တာတို့ကြောင့် သူ့ကိုရာထူးကနေ ထုတ်ပယ်ဖို့ အဆိုတင်သွင်းခဲ့ တာလို့သိရပါတယ်။ ထုတ်ပယ်လိုက်တဲ့ဝန်ကြီး(၂)ဦးကို ပြန်ပြီးခန့်အပ်ဖို့ လာမယ့်တစ်လအတွင်း အီရန်သမ္မတ“ဟတ်ဆန် ရိုဟာ နီ”က အမည်စာရင်းတင်သွင်းရမှာဖြစ်ပါတယ်။ အခုသြဂုတ်လအစပိုင်းမှာ အီရန်နိုင်ငံကို အမေရိကန်နိုင်ငံက ပိတ်ဆို့မှုတွေထပ် လုပ်ခဲ့ပြီးနောက် အီရန်ရဲ့စီးပွားရေးမတည်ငြိမ်ဖြစ်နေပါတယ်။

 

 

Related News