မွန်ဂိုလီးယားနိုင်ငံက ကျောင်းတွေမှာ စမတ်ဖုန်းအသုံးမပြုဖို့ စက်တင်ဘာလ(၅)ရက်အစောပိုင်းမှာပြုလုပ်ခဲ့တဲ့ အစည်းအဝေးမှာ မွန်ဂိုလီးယားအစိုးရအဖွဲ့က ဆုံးဖြတ်ခဲ့ပါတယ်။မွန်ဂိုလီးယားနိုင်ငံ၊ မြို့တော် အူလန်ဘာတာမှာ စက်တင်ဘာလ(၅)ရက်အစောပိုင်းကပြုလုပ်ခဲ့တဲ့ အစည်းအဝေးမှာ ကျောင်းတွေမှာ စမတ်ဖုန်းအသုံးမပြုဖို့ မွန်ဂိုလီးယားအစိုးရအဖွဲ့က ဆုံးဖြတ်ခဲ့ပါတယ်။ အခုဆုံးဖြတ်ချက်က လာမယ့် အောက်တိုဘာလ(၁)ရက်မှာစတင်အသက်ဝင်မှာဖြစ်ပေမဲ့ လေ့ကျင့်ရေးလှုပ်ရှားမှုတွေမှာ မူလတန်းကလေးတွေနဲ့ မသန်စွမ်းကလေးတွေအနေနဲ့ သူတို့မိဘတွေကိုဆက်သွယ်ဖို့လိုအပ်ခဲ့ရင် (ဒါမှမဟုတ်)အထူးအကူအညီလိုအပ်ခဲ့ရင်တော့ စမတ်ဖုန်းတွေကို အသုံးပြုခွင့်ပေးမှာ ဖြစ်ပါတယ်။ သာမန်ကလေးတွေအနေနဲ့ ကျောင်းဆင်းချိန်ကျရင်တော့ သူတို့ရဲ့စမတ်ဖုန်းတွေနဲ့အတူ အင်တာနက် ချိတ်ဆက်ထားတဲ့ စက်ကိရိယာတွေကိုအသုံးပြုနိုင်မှာပါ။

လန်ဒန်စီးပွားရေး တက္ကသိုလ်ကျောင်းက သုတသနပြုလုပ်ထားတဲ့ ရလဒ်တွေကို ကိုးကားပြီး မွန်ဂိုလီးယားအစိုးရအဖွဲ့ကအခုလိုဆုံးဖြတ် ခဲ့တာဖြစ်သလို ကျောင်းတွေမှာစမတ်ဖုန်းအသုံးပြုခွင့် တားမြစ်လိုက်တာက ပညာရေးပိုင်းမှာကျောင်းသားတွေအနေနဲ့ ပိုမိုကောင်းမွန်လာမှာဖြစ်ပြီး သတင်းအချက်အလက်နည်းပညာ ဆိုက်ဘာတိုက်ခိုက်မှုတွေနဲ့ အင်တာနက်အပေါ် စွဲလမ်းမှုတွေကိုပါ တားမြစ်နိုင်မှာဖြစ်တယ်လို့ မွန်ဂိုလီးယားအစိုးရအဖွဲ့ကပြောပါတယ်။ စစ်တမ်းကောက်ယူမှုတွေ အရ တခြားအာဆီယံနိုင်ငံတွေထက် မွန်ဂိုလီးယားနိုင်ငံက အင်တာနက်အသုံးပြုမှု (၃.၆)ဆ လောက်ပိုများနေတယ်လို့ Facebook အသုံးပြုသူ တစ်ဦးချင်းစီရဲ့ အရေအတွက်တွေအရ သိရပါတယ်။

 

 

Related News