ကနေဒါနိုင်ငံသား"ရောဘတ် ရှယ်လန်ဘာ့ခ်ျ"ကိုမူးယစ်ဆေးဝါးမှုကုန်ကူးမှုနဲ့ တရုတ်နိုင်ငံကမတရားဖမ်းဆီးခဲ့ပြီးသေဒဏ်ချမှတ်လိုက်တာဆိုတဲ့ ကနေဒါရဲ့စွပ်စွဲချက်ကိုတရုတ်နိုင်ငံဘက်က ငြင်းဆိုလိုက်ပါတယ်။ကနေဒါဝန်ကြီးချုပ် "ဂျက်စတင် ထရူးဒူး"ဘက်က တာဝန်မဲ့တဲ့မှတ်ချက်တွေမလုပ်ဖို့ တရုတ်နိုင်ငံခြားရေးဝန်ကြီးဌာနဘက်က ပြောခဲ့ပြီး ကနေဒါနိုင်ငံဟာ စံ(၂)မျိုးကျင့်သုံးနေတာလို့လည်းတန်ပြန်စွပ်စွဲခဲ့ပါတယ်။ ပြီးခဲ့တဲ့(၂၀၁၈)ခုနှစ်၊ နိုဝင်ဘာလမှာ ရှယ်လန်ဘာ့ခ်ျဟာ တရုတ်နိုင်ငံမြောက်ပိုင်းက"ဒါလျန်"မြို့ကနေ သြစတြေးလျကို (၂၂၇)ကီလိုဂရမ်ရှိတဲ့ စိတ်ကြွဆေးပြားတွေကုန်ကူးဖို့ တာယာတွေထဲဝှက်ထားခဲ့တာကြောင့် ထောင်ဒဏ်(၁၅)နှစ်ချမှတ်ခံထားရပေမဲ့ (၂၀၁၉)ခုနှစ်၊ ဇန်န၀ါရီလ(၁၄)ရက်မှာ တရုတ်တရားရုံးက ရှယ်လန်ဘာ့ခ်ျကို ပြစ်ဒဏ်တိုးမြှင့်ပြီး သေဒဏ်ချမှတ်ခဲ့တာပါ။ အရင်ကချမှတ်ထားတဲ့ထောင်ဒဏ်(၁၅)နှစ်ဆိုတဲ့ ပြစ်ဒဏ်ကသက်ညှာလွန်းတယ်လို့လည်း တရုတ်တရားရုံးကပြောပါတယ်။ (၂၀၀၉)ခုနှစ်နဲ့ (၂၀၁၄)ခုနှစ်တို့မှာ အီရန်အပေါ်အမေရိကန်ကချမှတ်ထားတဲ့ပိတ်ဆို့မှုတွေကို ဟွာဝေးနည်းပညာကုမ္ပဏီက ချိုးဖောက်ခဲ့တယ်ဆိုတဲ့ယူဆချက်နဲ့ ဟွာဝေးရဲ့ကမ္ဘာ့ဘဏ္ဍာရေးအရာရှိချုပ် မန်ဝမ်ကျိုးကို ကနေဒါနိုင်ငံက (၂၀၁၈)ခုနှစ်၊ ဒီဇင်ဘာလ(၁)ရက်မှာထိန်းသိမ်းခဲ့ပြီးနောက် တရုတ်နိုင်ငံက အခုလိုပြစ်ဒဏ်တိုးမြှင့်လိုက်တာဖြစ်ပါတယ်။

 

 

Related News