ကုလသမဂ္ဂဦးဆောင်ထားတဲ့စတော့ဟုမ်းသဘောတူညီချက်ကိုအကောင်အထည်မဖော်မချင်း ယီမင်အစိုးရကဟူသီသူပုန်တွေနဲ့ သတ်မှတ်ချက်အသစ်တွေဆွေးနွေးညှိနှိုင်းမှာမဟုတ်သလိုသဘောတူညီချက်အသစ်ကိုလက်မှတ်ထိုးသွားမှာမဟုတ်ဘူးလို့ ယီမင်ပြန်ကြားရေးဝန်ကြီးမိုအမ်မာအယ်လ် အာယာနီကဗုဒ္ဓဟူးနေ့မှာပြောပါတယ်။ အစိုးရကအပေးအယူတွေအများကြီးလုပ်ခဲ့ ပေမဲ့ ဟူသီတွေကခေါင်းရှောင်လို့ ယီမင်ငြိမ်းချမ်းရေးလုပ်ငန်းစဉ်မှာနောက်ဆုံးသဘောတူညီချက်မရခဲ့တာလို့ အာယာနီကပြောတာပါ။ ပြီးခဲ့တဲ့လမှာယီမင်အစိုးရနဲ့ဟူသီကိုယ်စားလှယ်တွေကယီမင်ရဲ့အဓိကဆိပ်ကမ်းဖြစ်ပြီး နိုင်ငံတကာအကူအညီတွေအ ဓိက၀င်တဲ့ဟူဒေးဒါမြို့ကနေတပ်တွေပထမအဆင့်ဆုတ်ခွာဖို့နဲ့ သုံ့ပန်းလဲဖို့တွေသဘောတူခဲ့ပေမဲ့ တပ်ဆုတ်ဖို့အကြိမ်ပေါင်းများစွာရွှေ့ဆိုင်းခဲ့ကြသလိုလဲမယ့်သုံ့ပန်းအရေအတွက်ကိုလည်းသဘောမတူနိုင်ကြသေးပါဘူး။ မကြာသေးမီရက်တွေမှာဟူဒေးဒါ ရဲ့နေရာတချို့မှာယီမင်အစိုးရနဲ့ ဟူသီတွေမကြာခဏထိတွေ့မှုတွေဖြစ်ခဲ့ပါတယ်။ လေးနှစ်ကြာနေတဲ့ယီမင်ပြည်တွင်းစစ်ကြောင့် လူ(၁၀၀၀၀)ကျော်သေဆုံးခဲ့ပြီးလူ(၃)သန်းကျော်ဘေးလွတ်ရာရွှေ့ပြောင်းနေရတဲ့အပြင် နောက်ထပ်လူသန်းချီကလည်းအငတ် ဘေးကြုံနေရပါတယ်။

 

 

Related News