(၂၀၁၆)အမေရိကန်ရွေးကောက်ပွဲမှာ ရုရှားဝင်စွက်ဖက်ခဲ့ခြင်းရှိ၊ မရှိစုံစမ်းစစ်ဆေးခဲ့တဲ့ အမေရိကန်အထူးအကြံပေး“ရောဘတ် မူလာ”ရဲ့အစီရင်ခံစာကသမ္မတဒေါ်နယ် ထရမ့်နဲ့ ရုရှားတို့ကြားဆက်စပ်မှုရှိနေတယ်ဆိုတဲ့စွပ်စွဲချက်တွေအရ တရားဝင်စုံစမ်းစစ်ဆေးမှုတွေကိုအဆုံးသတ်သွားမှာမဟုတ်ဘူးလို့ အမေရိကန်နိုင်ငံရေးသုံးသပ်သူတစ်ဦးကစနေနေ့မှာပြောပါတယ်။ သောကြာနေ့မှာမူလာကအမေရိကန်ရှေ့နေချုပ် “၀ီလီယံ ဘား”ဆီလျှို့ဝှက်အစီရင်ခံစာကိုတင်သွင်းခဲ့ပြီးအဲဒီအစီရင်ခံစာမှာသမ္မတထရမ့်ရဲ့တွဲဖက်နဲ့အကြံပေး(၆)ဦးကို စုံစမ်းထားတာပါဝင်ပါတယ်။ ထရမ့်က အဲဒီအစီရင်ခံစာအတွက် မှတ်ချက်မပြုရသေးဘူးလို့ ၀ါရှင်တန်ဒီစီအခြေစိုက်ဝစ်က်ဥပဒေလုပ်ငန်းရဲ့ဒုတိယဥက္ကဋ္ဌ“ရွန့်စ် အယ်မွန်”ကပြောပါတယ်။ အဲဒီအစီရင်ခံစာက ရုရှားဝင်စွက် ဖက်မှုရှိ၊ မရှိစုံစမ်းစစ်ဆေးနေတာကိုမရပ်တန့်နိုင်ဘူးလို့လည်းအယ်မွန်ကယုံကြည်နေပါတယ်။ လက်ရှိမှာအဲဒီအစီရင်ခံစာကိုထိပ်တန်းလျှို့ဝှက်လို့ပဲသတ်မှတ်ထားပေမဲ့ နိုင်ငံရေးသမားတွေရော၊ နိုင်ငံသားတွေရောကအဲဒီအစီရင်ခံစာကိုကြည့်ချင်ကြလို့ နောက်ဆုံးမှာတော့ လူထုကိုချပြလိမ့်မယ်လို့လည်းအယ်မွန်ကယုံကြည်နေပါတယ်။

 

 

 

Related News