လူတော်တော်များများက ဆေးလိပ်သောက်ပြီးရင် အဲဒီဆေးလိပ်ရဲ့(၃)ပုံ(၂)ပုံကိုစွန့်ပစ်လေ့ရှိကြပြီး ဆေးလိပ်ရဲ့အစီခံတွေဟာ ဘတ် တီးရီးယားပိုးတွေနဲ့မပျက်စီးနိုင်တာကြောင့် အလွယ်တကူစုပုံလာသလို တစ်ကမ္ဘာလုံးညစ်ညမ်းမှုရဲ့ အဓိကအရင်းအမြစ်ဖြစ်လာ တယ်လို့ တရုတ်နိုင်ငံဆိုင်ရာ ကမ္ဘာ့ကျန်းမာရေးအဖွဲ့ကိုယ်စားလှယ်ကပြောပါတယ်။ စီးကရက်အစီခံကြောင့်ဖြစ်တဲ့ညစ်ညမ်းမှုတွေက တစ်ကမ္ဘာလုံးမှာပြဿနာတစ်ရပ်ဖြစ်လာပြီလို့ တရုတ်နိုင်ငံဆိုင်ရာကမ္ဘာ့ကျန်းမာ ရေးအဖွဲ့(W.H.O) ကိုယ်စားလှယ်ကပြောပါတယ်။ သမုဒ္ဒရာထိန်းသိမ်းရေးအဖွဲ့က (၂၀၁၈)ခုနှစ်မှာ ကမ်းရိုးတန်းရှင်းလင်းရေးလုပ် တုန်းက  အများဆုံးရှိနေတဲ့စွန့်ပစ်ပစ္စည်းတွေအဖြစ် စီးကရက်အစီခံတွေမှတ်တမ်းဝင်ခဲ့ပြီး နိုင်ငံ(၁၀၀)ကျော်မှာ စီးကရက်အစီခံ (၂)သန်းကျော်စုဆောင်းနိုင်ခဲ့ပါတယ်။

ဆေးလိပ်သောက်လို့ ကျန်းမာရေးထိခိုက်နိုင်တယ်ဆိုတာလူတွေသိပေမဲ့ နေရာတိုင်းမှာ တွေ့နေရတဲ့ဆေးလိပ်အစီခံတွေက သဘာဝပတ်ဝန်းကျင်ကို ဘယ်လိုထိခိုက်စေနိုင်တယ်ဆိုတာ မသိကြဘူးလို့ တရုတ်နိုင်ငံ ပိုင်CCTVရုပ်သံက မေးမြန်းခဲ့တဲ့အရပ်သားတချို့ကပြောပါတယ်။ စီးကရက်တစ်လိပ်ရဲ့(၃)ပုံ(၂)ပုံလောက်နီးနီးကို သောက်ပြီးရင် လွှင့်ပစ်လေ့ရှိကြပေမဲ့ အစီခံတွေက သဘာဝအတိုင်းမပျက်စီးနိုင်လို့ အစီခံတွေစုပုံလာပြီး သဘာဝပတ်ဝန်းကျင်မသန့်ရှင်း တော့တဲ့ဆိုးကျိုးတွေဖြစ်လာတယ်လို့ တရုတ်နိုင်ငံဆိုင်ရာWHOကိုယ်စားလှယ် ဂေါ်ဒန် ဂါလီယာကပြောပါတယ်။ တစ်နေ့ကို စီး ကရက်အစီခံအခု(၁၀၀၀)ကျော်သိမ်းရလေ့ရှိတယ်လို့ ဘေကျင်းမြို့က သန့်ရှင်းရေးအလုပ်သမား ချန်းရှောင်ဝေကပြောပါတယ်။ ဒီလိုဖြစ်နေတာက တရုတ်တစ်နိုင်ငံလုံးမှာမဟုတ်ဘဲနဲ့ တစ်ကမ္ဘာလုံးမှာဖြစ်နေတာလို့ ဂါလီယာက သတိပေးပါတယ်။

 

 

Related News