တရုတ်နိုင်ငံရဲ့သမ္မတလည်းဖြစ်၊ ဗဟိုစစ်ရေးကော်မရှင်ဥက္ကဋ္ဌလည်းဖြစ်တဲ့ ရှီကျင့်ပင်ကအင်္ဂါနေ့နေ့လည်ပိုင်းမှာဖျက်သင်္ဘော ရှီနင်းပေါ်ကိုတက်ရောက်ခဲ့ပါတယ်။ တရုတ်နိုင်ငံအရှေ့ပိုင်း၊ ရှန်ဒေါင်ပြည်နယ်၊ ကွင်းဒေါင်မြို့မှာကျင်းပနေတဲ့ တရုတ်ပြည်သူ့ လွတ်မြောက်ရေးတပ်မတော်(PLA)ရေတပ်ရဲ့နှစ်(၇၀)ပြည့်အခမ်းအနားမှာဂုဏ်ပြုတပ်ဖွဲ့ကိုစစ်ဆေးကြည့်ရှုခဲ့ပြီးနောက် ရှီနင်းသင်္ဘောပေါ်တက်ခဲ့တာပါ။ အခမ်းအနားမှာတရုတ်ရေတပ်ယာဉ်တွေ၊ လေယာဉ်တပ်ဖွဲ့တွေနဲ့ ပါဝင်တဲ့နိုင်ငံခြားရေယာဉ်တပ်ဖွဲ့ တွေရဲ့စစ်ချီတက်သရုပ်ပြမှုတွေပါဝင်ပါတယ်။ (၄)ရက်ကြာမယ့်အဲဒီစစ်ချီတက်သရုပ်ပြမှုတွေမှာအဆင့်မြင့်ဆွေးနွေးမှုတွေ၊ ယဉ် ကျေးမှုနဲ့အားကစားပြိုင်ပွဲတွေလည်း ပါဝင်မှာပါ။ အဲဒီစစ်ရေးချီတက်သရုပ်ပြမှုတွေမှာ မြန်မာ့တပ်မတော်(ရေ)ရဲ့ဆင်ဖြူရှင်စစ် သင်္ဘောလည်းပါဝင်ပါတယ်။ ဆင်ဖြူရှင်ကိုဦးဆောင်ခဲ့တာကဗိုလ်မှူးချုပ်ဇွဲဝင်းမြင့်ဖြစ်ပြီးအမျိုးသမီးအရာရှိ(၁၀)ယောက်အပါအ ၀င် အရာရှိ(၄၂)ယောက်၊ စစ်သည်(၁၃၂)ယောက်၊ စုစုပေါင်း(၁၇၄)ယောက်ပါဝင်တယ်လို့ တပ်မတော်(ရေ)ရဲ့ထုတ်ပြန်ချက်အရသိရပါတယ်။

 

 

Related News