နိုင်ငံရဲ့အသက်ကြီးတဲ့လူဦးရေတဖြည်းဖြည်းများလာလို့ လက်ရှိမှာ အမျိုးသားဆိုရင် အသက်(၆၀)၊ အမျိုးသမီးဆိုရင် အသက်(၅၅)နှစ်မှာ ပင်စင်ရတဲ့ဗီယက်နမ်နိုင်ငံမှာ ပင်စင်ရမယ့်အသက်ကို တိုးမြှင့်ဖို့ ဗီယက်နမ်က စီစဉ်နေပါတယ်။ နိုင်ငံသားတွေရဲ့ပျှမ်းမျှအသက်က (၃၀)ပတ်ဝန်းကျင်မှာပဲရှိနေပေမဲ့ ဗီယက်နမ်နိုင်ငံဟာ ကမ္ဘာ့အိုမင်းမှုအမြန်ဆုံးလူ့အသိုက်အ ၀န်းထဲကတစ်ခုဖြစ်နေပါတယ်။ အသက်ရှည်တဲ့လူတွေများလာတာနဲ့ မွေးဖွားမှုနှုန်းကျဆင်းလာတာတို့ကြောင့် လာမယ့်(၂၀၄၀) ပြည့်နှစ်မှာ ဗီယက်နမ်နိုင်ငံရဲ့လူဦးရေ(၂၀)ရာခိုင်နှုန်းကျော်ဟာ အသက်(၆၀)၀န်းကျင်ရှိလိမ့်မယ်လို့ ခန့်မှန်းထားပါတယ်။ ဗီယက် နမ်ရဲ့လူဦးရေထက်ဝက်ခန့်ကတော့ အသက်(၁၀)နှစ်နဲ့ (၂၄)နှစ်ကြားရှိနေပြီး လူဦးရေဖွဲ့စည်းပုံအရ ရွှေခေတ်လို့ခေါ်နေကြပေမဲ့ အသက်ကြီးမှုတွေကတော့ မြင့်တက်နေတာပါ။

ဗီယက်နမ်တွေ့ကြုံနေရတဲ့ကိစ္စတွေထဲမှာ ကျန်းမာရေးစောင့်ရှောက်မှုနဲ့ အငြိမ်း စားယူတဲ့အသက်ကငယ်နေလို့ အခက်အခဲတွေ့နိုင်တယ်လို့ စီးပွားရေးကျွမ်းကျင်သူတွေပြောနေတဲ့ပင်စင်ပေးနိုင်ဖို့လည်း ပါဝင် နေပါတယ်။ အငြိမ်းစားယူရမယ့်အသက်ကို အမျိုးသမီးတွေအတွက် အသက်(၅၅)နှစ်ကနေ(၆၀)အထိနဲ့ အမျိုးသားတွေအတွက် အသက်(၆၀)ကနေ (၆၂)နှစ်အထိ ပြောင်းလဲသတ်မှတ်ဖို့ ဗီယက်နမ်အစိုးရက ဗီယက်နမ်အမျိုးသားညီလာခံကို တောင်းဆိုထား တယ်လို့ ဗီယက်နမ်အကြီးတန်းစီးပွားရေးပညာရှင် လီဒန်ဒွန်ကပြောပါတယ်။ အလုပ်လုပ်နိုင်တဲ့လူတွေထဲမှာ အမျိုးသမီးပါဝင်မှု ကိုမြှင့်တင်ဖို့နဲ့ နိုင်ငံရဲ့အနာဂတ်စီးပွားရေးဖွံ့ဖြိုးမှုနဲ့ စီးပွားရေးတိုးတက်မှုကို အသက်ကြီးသူများနေတာက အနှောင့်အယှက်မဖြစ် ရင် လူတွေကို အသက်ပိုကြီးတဲ့အထိအလုပ်လုပ်ခွင့်ပြုဖို့လိုနေတယ်လို့ စီးပွားရေးပညာရှင်တွေက သုံးသပ်နေပါတယ်။

 

 

Related News