ဂရမ်းဆလန်းပြိုင်ပွဲ(၄)ခုမှ နောက်ဆုံးပြိုင်ပွဲတစ်ခုဖြစ်တဲ့ (၂၀၁၈) US အိုးပင်းတင်းနစ်ပြိုင်ပွဲဟာ ဆီမီးဖိုင်နယ်ကို ရောက်ရှိနေပြီဖြစ်ပြီး အမျိုးသားတစ်ဦးချင်းပြိုင်ပွဲမှာ နာမည်ကြီးကစားသမားတွေဖြစ်တဲ့ ရာဖေးနာဒယ်နဲ့ ဂျိုကို ဗစ်တို့တက်ရောက်ထားတာဖြစ်ပါတယ်။ (၂၀၁၈) US အိုးပင်းပြိုင်ပွဲ အမျိုးသားတစ်ဦးချင်းပြိုင်ပွဲရဲ့ ကွာတားဖိုင်နယ်အဆင့်ပွဲစဉ်တွေပြီးဆုံးချိန်မှာ နိုင်ခြေ အဆင့်(၁)ရာဖေးနာဒယ်၊ နိုင်ခြေအဆင့်(၃) ဒယ်ပိုထရို၊ နိုင်ခြေအဆင့်(၆) ဂျိုကိုဗစ်နဲ့ နိုင်ခြေအဆင့်(၂၁) နီရှီကို ရီတို့ ဆီမီးဖိုင်နယ်ကိုတက်ရောက်ခဲ့ကြပါတယ်။

ဆီမီးဖိုင်နယ်အဆင့်ပွဲစဉ်တွေမှာတော့ ရာဖေးနာဒယ်နဲ့ ဒယ်ပို ထရို၊ ဂျိုကိုဗစ်နဲ့ နီရှီကိုရီတို့တွေ့ဆုံနေခဲ့ပြီး လက်ရှိချန်ပီယံအပါအ၀င် ပြိုင်ပွဲမှာအစဉ်အလာကောင်းတွေပိုင်ဆိုင် ထားတဲ့ ကစားသမားတွေတွေ့ဆုံမှုဖြစ်တာကြောင့် စိတ်ဝင်စားဖို့ကောင်းနေပါတယ်။လက်ရှိချန်ပီယံရာဖေးနာ ဒယ်နဲ့ (၂၀၀၉)ခုနှစ် US အိုးပင်းပြိုင်ပွဲမှာ ချန်ပီယံဆုရရှိဖူးတဲ့ ဒယ်ပိုထရိုတို့တွေ့ဆုံမှုမှာ တစ်ကျော့ပြန်ချန်ပီယံ ဆုကိုပြန်လည်ရယူနိုင်ဖို့ ကြိုးပမ်းမှုနဲ့ လက်ရှိချန်ပီယံဘွဲ့ကိုဆက်လက်ထိန်းသိမ်းနိုင်ဖို့ ကြိုးပမ်းမယ့်အခြေနေ တွေကြောင့် ပွဲစဉ်ကောင်းတစ်ပွဲအဖြစ်ရှိနေပါတယ်။

ဒါ့အပြင် နီရှီကိုရီနဲ့ ဂျိုကိုဗစ်တို့တွေ့ဆုံမှုဟာလည်း နီရှီကိုရီ ဟာ(၂၀၁၄)ခုနှစ်မှာ ဗိုလ်လုပွဲတက်ရောက်ခဲ့ပေမယ့် ချန်ပီယံဆုလွဲချော်ခဲ့ထားပြီး ဂျိုကိုဗစ်ဟာလည်း (၂၀၁၅)ခု နှစ်မှာချန်ပီယံဆုရရှိပြီးနောက်ပိုင်း US အိုးပင်းမှာအောင်မြင်မှုနဲ့ဝေးကွာနေတဲ့ အခြေနေကြောင့် သူတို့(၂)ဦး တွေ့ဆုံယှဉ်ပြိုင်မယ့် ဆီမီးဖိုင်နယ်ပွဲစဉ်ဟာလည်း အကြိတ်အနယ်ရှိမယ့်ပွဲစဉ်တစ်ပွဲဖြစ်ပါတယ်။ရာဖေးနာဒယ်နဲ့ ဒယ်ပိုထရို၊ နီရှီကိုရီနဲ့ ဂျိုကိုဗစ်တို့တွေ့ဆုံနေတဲ့ ဆီမီးဖိုင်နယ်ပွဲစဉ်တွေကို စက်တင်ဘာလ(၇)ရက် သောကြာ နေ့မှာ ယှဉ်ပြိုင်ကစားမှာဖြစ်တယ်လို့သိရပါတယ်။

 

 

 

Related News