ကမ္ဘာမှာ ဇွန်လက အပူချိန်အမြင့်ဆုံးလဖြစ်တယ်လို့ ကမ္ဘာ့မိုးလေ၀သအဖွဲ့အစည်း (WMO)ပြောခွင့်ရသူက ပြောပါတယ်။ကမ္ဘာမှာ ဇွန်လကအပူချိန် အမြင့်ဆုံးဖြစ်ခဲ့တယ်လို့ ကမ္ဘာ့မိုးလေဝသအဖွဲ့အစည်း (WMO)က ဇူလိုင်(၁၉)ရက်က ပြောပါတယ်။ ရာသီဥတုပြောင်းလဲမှုကြောင့် တောင်အမေရိကတိုက်နဲ့အာဖရိကတို့မှာ အပူချိန်အမြင့်ဆုံးတွေ့ကြုံခဲ့ပါတယ်။ နိုင်ငံတချို့နဲ့ ဥရောပတိုက်အနောက်ပိုင်း၊ အလယ်ပိုင်းတို့မှာ ဇွန်လကနေ့စဉ်ပျမ်းမျှအပူချိန်ကပုံမှန်ဖြစ်နေကျအပူချိန်ထက်(၁၀)ဒီဂရီဆဲလ်စီးယပ်စ်အထ်ိမြင့်ခဲ့တယ်လို့(WMO)ပြောခွင့်ရသူ ကလယ်နောလစ်စ်က ပြောပါတယ်။ မြေပြင်နဲ့ပင်လယ်မျက်နှာပြင်အထက် အပူချိန်က အမြင့်ဆုံးစံချိန်တင်ခဲ့ပြီး အပူလှိုင်းက ပြင်းထန်ခဲ့ပါတယ်။ ရာသီဥတုပြောင်းလဲတဲ့အတွက် ပြီးခဲ့တဲ့ရာစုနှစ်ကထက် အပူချိန်မြင့်မားမှုကအနည်ဆုံး(၁၀)ကြိမ်ထက် ပိုပြီးဖြစ်ပေါ်ခဲ့တယ်လို့လည်း နောလ်စစ်က ပြောပါတယ်။  ဥရောပမှာအပူလှိုင်း ဖြစ်ပေါ်တာက မိုးခေါင်ရေရှားခြင်း၊  တောမီးလောင်မှုတွေရဲ့ နောက်ဆက်တွဲပြဿနာတွေဖြစ်နိုင်တယ်လို့လည်း   သတိပေးခဲ့ပါတယ်။  ပြင်သစ်နိုင်ငံမှာ အပူချိန်က(၃၅)ဒီဂရီဆဲလ်စီးယပ်ကနေ (၄၀)ဒီဂရီဆဲလ်စီးယပ်ထိ ဖြစ်နိုင်တယ်လို့ ကြိုတင်ခန့်မှန်းနေပြီး နိုင်ငံတချို့မှာ မိုးခေါင်ရေရှားမှုအတွက်စိုးရိမ်ပူပန်မိတယ်လို့လည်း ပြောပါတယ်။

 

 

Related News