အခုနှစ် သင်္ကြန်မဏ္ဍပ်တွေအတွက် ရေပိုက်လိုင်းသွယ်ယူရာမှာ ရေဖိုးကို ပြီးခဲ့တဲ့ နှစ်ကအတိုင်း ကောက်ခံသွားမှာဖြစ်ပြီး တိုးမြှင့်ကောက်ခံသွားခြင်းမရှိဘူးလို့ ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာဌာန (ရေနှင့်သန့်ရှင်းမှု)မှ သိရပါတယ်။
 
သင်္ကြန်ကာလအတွင်း ရန်ကုန်စည်ပင်သာယာရေးကော်မတီက ဖြန့်ဖြုးခွဲဝေနေတဲ့ ကော်မတီပိုင်ရေပိုက်လိုင်းတွေကို ယာယီဆက်သွယ် အသုံးပြုပါက ရေပိုက် (၁)လက်မမှ (၂)လက်မ အထိကို ငွေကျပ်(၂)သိန်းမှ (၄)သိန်း နီးပါးကောက်ခံ သွားမှာဖြစ်ပြီး အင်းယားကန်နဲ့ ကန်တော်ကြီးတို့မှ ဆက်သွယ်အသုံးပြုပါက ရေပိုက်(၃)လက်မမှ(၆)လက်မ ကို ငွေကျပ်(၄)သိန်းမှ (၁၀)သိန်းအထိ ကောက်ခံနေ တယ်လို့  သိရပါတယ်။
 
ရေကစားမဏ္ဍပ်များသို့ ယာယီရေ ဆက်သွယ်မှုများကို မြို့နယ်စည်ပင်သာယာအုပ်ချုပ်ရေးမှူးရုံးရှိ အင်ဂျင်နီယာဌာန (ရေနှင့်သန့်ရှင်းမှု) ၀န်ထမ်းတွေက လိုက်နာရန် စည်းကမ်းချက်များနဲ့ အညီ ရေဆက်သွယ်ပေးမှာ ဖြစ်ပါတယ်။
 
ရန်ကုန်မြို့တော်စည်ပင်သာယာရေး ကော်မတီရဲ့ ခွင့်ပြုမိန့်မရဘဲ ကော်မတီပိုင် ရေပိုက်လိုင်းများ ၊အင်းယားကန်၊ ကန်တော်ကြီးနဲ့ တခြားမြေစိုက်ကန်များမှ ရေပိုက်တွေကို ဆက်သွယ်ရေကစားခြင်း မပြုရန်နဲ့ ကော်မတီပိုက် မီးသတ်ပိုက်ခေါင်းများမှာ ရေကစားခြင်းလုံးဝမပြုရန် တားမြစ်ထား ပါတယ်။လိုက်နာမှုမရှိပါက စည်းကမ်းများနဲ့ အညီအရေးယူဆောင်ရွက်သွားမှာဖြစ်ပါတယ်။
 
သင်္ကြန်ကာလအတွင်း ယာယီ ဆက်သွယ် ထားတဲ့ ရေပိုက်လိုင်းများကို နှစ်ဆန်းတစ်ရက်နေ့မှာ အပြီးဖြုတ်သိမ်းရမယ်လို့ ရန်ကုန်မြို့တော် စည်ပင်သာယာရေးကော်မတီမှ ထုတ်ပြန်ထားပါတယ်။
 
 

Related News