အင်းစိန်ဆေးဝါးစက်ရုံကနေ ထုတ်လုပ်လျက်ရှိတဲ့ BPI အမှတ်တံဆိပ်ပါ ဆေးဝါးတွေကို ဈေးကွက်ထဲ ဖြန့်ဖြူးရောင်းချဖိုY မြန်မာ့ဆေးဝါးလုပ်ငန်းကနေ ပုဂ္ဂလိကလက်ကား အရောင်းကိုယ်စားလှယ်လေးဦးကိုသြဂုတ်(၂၆) ရက်က Park Royal Hotel မှာ တရားဝင်ခန့်အပ်လိုက်ပါတယ်။ ယခင်က BPI ဆေးဝါးတွေ  ဝယ်ယူချင်ရင် စက်ရုံအထိလာရောက်ဝယ်ရတဲ့ အခက်အခဲတွေရှိခဲ့တာကြောင့် ဝယ်ယူသုံးစွဲသူတွေ လက်လှမ်းမီအောင် BPI အမှတ်တံဆိပ်ပါ ဆေးဝါးတွေကို အရောင်းမြှင့်တင်တဲ့ လုပ်ငန်း စတင်လုပ်ကိုင်တော့မှာပဲဖြစ်ပါတယ်။ 

ဒါကြောင့် အရောင်းမြှင့်တင့်တဲ့အနေနဲ့ ဆေးဝါးဖြန့်ဖြူးပေးနိုင်တဲ့ ပုဂ္ဂလိက ကုမ္ပဏီလေးခုကို အင်းစိန်ဆေးဝါးစက်ရုံက လက်ကားအရောင်း ကိုယ်စားတွေအဖြစ် တရားဝင် ခန့်အပ်လိုက်ပါတယ်။ လက်ကားအရောင်းကိုယ်စားလှယ် တစ်ဦးချင်းစီကို ဆေးဝါးအမျိုးအစားအလိုက် ခွဲတမ်းချပေးပြီး တစ်နိုင်ငံလုံးကို ဖြန့်ဖြူးရောင်းချစေမှာဖြစ်ပါတယ်။ လက်ကားအရောင်းကိုယ်စားလှယ်အဖြစ် ခန့်အပ်ခြင်းခံရတဲ့ ကုမ္ပဏီတွေကတော့ ဝင်းနက်တာ ကုမ္ပဏီလီမိတက်၊ မက်ဒီတက်ရ်ှဘစ်ဇ် ကုမ္ပဏီလီမိတက်၊ ဗေါ့လ်ပရိုက်ဗစ် ကုမ္ပဏီလီမိတက်နဲ့ မြင့်ဟန်ထရိတ်ဒင်း ကုမ္ပဏီလီမိတက်တို့ပဲဖြစ်ပါတယ်။

ဆေးဝါးဖြန့်ဖြူးဖို့ လက်ကားအရောင်းကိုယ်စားလှယ်တွေ ခန့်အပ်တာအပြင် BPI ဆေးဝါးလက်လီအရောင်းဆိုင် (၂၈) ဆိုင်ကို တိုင်းဒေသကြီးပြည်နယ်အလိုက် ဖွင့်လှစ်ထားတယ်လို့သိရပါတယ်။ လက်ကားအရောင်းကိုယ်စားလှယ်တွေ ရွေးချယ်ခန့်အပ်တဲ့နေရာမှာလည်း နိုင်ငံပိုင်သတင်းစာကနေ ခေါ်ယူခဲ့ပြီးမှ စိစစ်ရွေးချယ်ခဲ့တာဖြစ်ကြောင်း မြန်မာ့ဆေးဝါး လုပ်ငန်းရဲ့ ဦးဆောင်ညွှန်ကြားရေးမှူးကပြောပါတယ်။ ဆေးဝါးဖြန့်ဖြူးတဲ့နေရာမှာ လက်ကားအရောင်းကိုယ်စားလှယ်ခန့်အပ်တာအပြင်  ပုဂ္ဂလိကဆေးရုံတွေနဲ့ချိတ်ဆက်ကာ BPI ဆေးဝါးတွေ တိုက်ရိုက်ရောင်းချတာတွေ လုပ်ပေးမှာဖြစ်ပြီး City Mart၊ Orange၊ Capital စတဲ့ ဈေးဝယ်စင်တာတွေမှာရှိတဲ့ ဆေးဆိုင်ကြီးတွေမှာပါ ဆေးဝါးများ ဖြန့်ဖြူးပေးထားတယ်လို့သိရပါတယ်။

 

 

 

Related News