ကုမ္ပဏီဥပဒေသစ်စတင်ကျင့်သုံးတဲ့အခုသြဂုတ်လအတွင်းကုမ္ပဏီအသစ် ပျမ်းမျှတစ်ရာကျော်နေ့စဉ်မှတ်ပုံတင်နေပြီး တစ်လအတွင်း စုစုပေါင်းကုမ္ပဏီအသစ် (၁၅၆၀)ကျော်အထိရှိလာပြီလို့ ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနထံကသိရပါတယ်။ကုမ္ပဏီဥပဒေသစ်အရ သြဂုတ်လ(၁)ရက်ကစပြီး ကုမ္ပဏီတွေအားလုံးဟာ ခြောက်လအတွင်း အွန်လိုင်းစနစ်နဲ့ပြန်လည် မှတ်ပုံတင်ရမှာဖြစ်ပါတယ်။

လက်ရှိ တစ်လအတွင်းမှာတော့စုစုပေါင်းကုမ္ပဏီ (၇)ထောင်ကျော်မှတ်ပုံတင်ထားပြီးဖြစ်ကာ (၅)ထောင်ကျော်ကတော့သက်တမ်းရှိပြီးသား ကုမ္ပဏီတွေက ပြန်လည်မှတ်ပုံတင်ထားတာဖြစ်ပါတယ်။ဥပဒေအသစ်မှာ ကုမ္ပဏီရဲ့ စီးပွားရေးလုပ်ငန်းကို ဖော်ပြဖို့ မလိုတာနဲ့ ပြည်တွင်း၊ ပြည်ပကုမ္ပဏီမခွဲခြားထားလို့ကုမ္ပဏီကလုပ်ငန်း အစီရင်ခံစာတင်ပြချိန်မှသာ စီးပွားရေးလုပ်ငန်းကိုခွဲခြားနိုင်မယ်လို့သိရပါတယ်။

၂၀၁၈ သြဂုတ်လ (၁)ရက်မတိုင်ခင်အထိ ရင်းနှီးမြုပ်နှံမှုနှုင့် ကုမ္ပဏီများညွှန်ကြားမှုဦးစီးဌာနမှာ မှတ်ပုံ တင်ထားတဲ့ သက်တမ်းရှိ ကုမ္ပဏီခြောက်သောင်းကျော်ရှိနေပါတယ်။ခြောက်လအတွင်း ပြန်လည်မှတ်ပုံမတင်ပါက နောက်ထပ် တစ်လအတွင်း ဒဏ်ကြေး ငွေ ပေးဆောင်ပြီး ပြန်လည် မှတ်ပုံတင်ရမှာ ဖြစ်ပါ တယ်။ဒဏ်ကြေးကတော့ ကုမ္ပဏီအမျိုးအစား ပေါ်မူ တည်ပြီး ဒဏ်ကြေးငွေ တစ်သိန်း ကနေ (၂၅)သိန်း အထိ ပေးဆောင်ရမယ် လို့ ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှု ဦးစီး ဌာနက ထုတ်ပြန်ထားပါတယ်။ကုမ္ပဏီတွေအနေနဲ့ ပြန်လည်မှတ်ပုံတင်တာတွေကို www.myco.dica.gov.mm မှာဝင်ရောက်ပြုလုပ်ရမှာဖြစ်ပါတယ်။

ကုမ္ပဏီဥပဒေသစ်နဲ့အတူ ကုမ္ပဏီတွေမှတ်ပုံတင်ခြင်းလုပ်ငန်းကို သြဂုတ်လ(၁)ရက်က စတင်တာဖြစ်ပြီး စတင်တဲ့နေ့မှာပဲ ၀င်ရောက် မှတ်ပုံတင်သူများပြားတာကြောင့်ခေတ္တရပ်နားခဲ့ရကာ  သြဂုတ်လ(၆) ရက်မှ ပြန်လည်စတင်နိုင်ခဲ့တာဖြစ်ပါတယ်။ 

 

 

 

Related News