တရုတ်မှအ၀ယ်လိုက်လာတာကြောင့် ငရုပ်ဈေးတက်နေတယ်လို့ ဘုရင့်နောင်ကုန်စည်ဒိုင်က သိရပါတယ်။ ဘုရင့်နောင်ကုန်စည်ဒိုင်မှာယခင်ကငရုပ်သီးအရှည်တစ်ပိဿာ(၂၇၀၀)(၂၈၀၀)ကျပ်မှယခု(၄၀၀၀)ကျော်အထိ ဈေးတက်လာတယ်လို့သိရပါတယ်။ငရုပ်အပုတစ်ပိဿာယခင်(၆၀၀၀)ကျပ်မှ(၈၀၀၀)ကျပ်ထိဈေးတက်လာ တယ်လို့သိရပါတယ်။အခုလိုဈေးတက်လာတာဟာ မတ်လပထမအပတ်ကစတင်ဈေးတက်ခဲ့တာဖြစ်ပြီး တရုတ်မှ အ၀ယ်လိုက်လာတာကြောင့် ဈေးတက်လာတာဖြစ်တယ်လို့ ဘုရင့်နောင်ကုန်စည်ဒိုင်၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်းမှ ဥက္ကဋ္ဌ ဦးခင်ဟန်က ပြောပါတယ်။အခုနှစ်မှာတော့ ကြက်သွန်နီ၊ ကြက်သွန်ဖြူ၊ ကြူကုတ်ကြက်သွန်၊ အာလူး စတဲ့ စားသောက်ကုန်တွေလည်း ယခင်နှစ်တွေထက်ဈေးကျနေပြီး ငရုပ်သီးတစ်မျိုးသာအ၀ယ်လိုက်တာကြောင့် ဈေးတက်နေတယ်လို့ သိရပါတယ်။

အခုလို ငရုပ်သီးဈေးတက်တာကြောင့် အရောင်းအေးလာတယ်လုိ့ ဘုရင့်နောင်ကုန်စည်ဒိုင်၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်းမှ ဥက္ကဋ္ဌ ဦးခင်ဟန်က ပြောပါတယ်။ဧပြီလ (၂၀)ရက် ဘုရင့်နောင်ကုန်စည်ဒိုင်ရဲ့ စားသောက်ကုန်ပေါက်ဈေးတွေကတော့ ငရုပ်သီးရှည်တစ်ပိဿာ (၃၇၀၀)ကျပ်မှ(၄၃၀၀)ကျပ်ထိ၊ငရုပ်သီးအပုတစ်ပိဿာ(၆၀၀၀)ကျပ်မှ(၇၅၀၀)ကျပ်အထိ၊ကြက်သွန်နီ တစ်ပိဿာ (၃၀၀)ကျပ်မှ (၅၅၀)ကျပ်ထိ၊ ကြက်သွန်ဖြူတစ်ပိဿာ(၁၂၀၀)ကျပ်မှ (၁၆၀၀)ကျပ်အထိ၊ ကြူကုတ်ကြက်သွန်(၂၄၅၀)ကျပ်၊အာလူးတစ်ပိဿာ(၃၀၀)ကျပ်မှ(၇၀၀)ကျပ်အထိ ရှိတယ်လို့သိရပါတယ်။

 

 

Related News