ကြက်သွန်နီဈေးကျတာကြောင့် တောင်သူတွေအရှုံးပေါ်နေတယ်လို့ ဘုရင့်နောင်ကုန်စည်ဒိုင်၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်းမှ သိရပါတယ်။အခုနှစ်မှာကြက်သွန်နီ အ၀င်များတာရယ် အရောင်းအေးတာရယ်ကြောင့် ကြက်သွန်နီဈေး တစ်ပိဿာ(၃၀၀)ကျပ်မှ(၅၀၀)ကျပ်အထိသာရှိပြီး ယခင်နှစ် ဈေးထက် ကျနေတယ်လို့သိရပါတယ်။မိုးကြက်သွန်ပေါ်ချိန်ကလည်း ပစ္စည်းအထားမခံတာရယ် အ၀င်များတာရယ်ကြောင့် ယခင်နှစ်ထက်ဈေးကျခဲ့ပြီး ဘုရင့်နောင်ကုန်စည်ဒိုင်ကို ကြက်သွန်အနီအ၀င်များတဲ့ရက်ဆို ကြက်သွန်အနီတစ်ပိဿာကို (၁၀၀)ကျပ်မှ (၄၅၀)ကျပ်သာရှိခဲ့တယ်လို့ သိရပါတယ်။ဒါ့ကြောင့် တောင်သူတွေအနေနဲ့ ဓါတ်မြေသြဇာဈေးတွေ၊စိုက်ပျိုးစရိတ်ကြီးတာတွေရယ်ကြောင့် အရှုံးပေါ်ကြတယ်လို့ ဘုရင့်နောင်ကုန်စည်ဒိုင်၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်းမှ ဥက္ကဋ္ဌ ဦးခင်ဟန်က ပြောပါတယ်။

အခုနှစ်မှာတော့ ကြက်သွန်နီအပြင် ကြက်သွန်ဖြူ၊ ကြူကုတ်ကြက်သွန်၊ အာလူး စတဲ့ စားသောက်ကုန်တွေလည်းယခင်နှစ်တွေထက်ဈေးကျနေပြီးငရုပ်သီးတစ်မျိုးသာတရုတ်မှအ၀ယ်လိုက်နေ တာကြောင့်ဈေးတက်နေတယ်လို့ ဘုရင့်နောင်ကုန်စည်ဒိုင်၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်းမှ ဥက္ကဋ္ဌ ဦးခင်ဟန်က ပြောပါတယ်။ဧပြီလ(၂၀)ရက် ဘုရင့်နောင်ကုန်စည်ဒိုင်ရဲ့ စားသောက်ကုန်ပေါက်ဈေးတွေကတော့ ငရုပ်သီးရှည်တစ်ပိဿာ (၃၇၀၀)ကျပ်မှ(၄၃၀၀)ကျပ်ထိ၊ငရုပ်သီးအပုတစ်ပိဿာ(၆၀၀၀)ကျပ်မှ(၇၅၀၀)ကျပ်အထိ၊ကြက်သွန်နီ တစ်ပိဿာ (၃၀၀)ကျပ်မှ (၅၅၀)ကျပ်ထိ၊ ကြက်သွန်ဖြူတစ်ပိဿာ(၁၂၀၀)ကျပ်မှ (၁၆၀၀)ကျပ်အထိ၊ ကြူကုတ်ကြက်သွန်တစ်ပိဿ(၂၄၅၀)ကျပ်၊အာလူးတစ်ပိဿာ(၃၀၀)ကျပ်မှ(၇၀၀)ကျပ်အထိ ရှိတယ်လို့သိရပါတယ်။

 

 

Related News