အိုင်ဗရီကို့စ်နိုင်ငံမှာ ဖြစ်ပွားခဲ့တဲ့ ကိစ္စအပေါ်သင်ခန်းစာယူပြီး ဆန်စပါးတွေကို ရေရှည်အောင်မြင်စွာ တင်ပို့ နိုင်ရေးအတွက် ပိုမိုကောင်းမွန် အောင်ဆောင်ရွက်ကြဖို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ဧပြီလ၂၃ရက်က နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရုံးမှာပြုလုပ်ခဲ့တဲ့ နိုင်ငံတကာဈေးကွက်များမှာ ခိုင်မာသည့် ဈေးကွက်တည် ဆောက်နိုင်ရေးနှင့် အရည်အသွေး ပြည့်မီတဲ့ ဆန်များ တင်ပို့နိုင်ရေးညှိနှိုင်းအစည်းအဝေးမှာ ပြောကြားလိုက်တာပါ။ပြီးခဲ့တဲ့ ရက်ပိုင်းက အိုင်ဗရီကို့စ်နိုင်ငံမှာ မြန်မာနိုင်ငံက ဆန်တန်ချိန် (၁၈၀၀၀)ကို စားသုံရန်မသင့်ဟု ဆိုကာဖျက်ဆီးခံခဲ့ရတယ်လို့သိရပါတယ်။ ဒါကြောင့် ယခုပြုလုပ်ခဲ့တဲ့ အစည်းအဝေးမှာ အဆိုပါ ကိစ္စကို စနစ်တကျသင်ခန်းစာယူပြီး ပိုမိုကောင်းမွန်အောင်လုပ်ဆောင်သွားမယ့် အပိုင်းတွေ ကို ဆွေးနွေးအကောင်အထည် ဖော်သွားရမယ်လိုိ့ ပြည်ထောင်စုဝန်ကြီး ဒေါက်တာသန်းမြင့်က ပြောပါတယ်။

အဆိုပါဆွေးနွေးပွဲမှာ ဆန်သဘောင်္တင်ပို့မှုကိစ္စတွေ၊ သဘောင်္တင်ရန် စစ်ဆေးခြင်းကိစ္စတွေ၊ သယ်ယူပို့ဆောင် သိုလှောင်ခြင်းကိစ္စတွေအပေါ် တက်ရောက်လာတဲ့ ပြည်ပကို ဆန်တင်ပို့နေတဲ့ကုမ္ပဏီများ၊ ပြည်ပကို ကုန်စည်အမယ်များတင်ပို့ရာတွင် အရည်အသွေးစစ်ဆေးသည့် သက်ဆိုင်ရာအဖွဲ့ အစည်းတို့က ဆွေးနွေးပြီး  သက်ဆိုင်ရာဝန်ကြီးဌာနတွေကပြန်လည်ဆွေးနွေးခြင်းတွေ ပြုလုပ်ခဲ့ကြပါတယ်။ မြန်မာနိုင်ငံအနေနဲ့ ပြီးခဲ့တဲ့ ၂၀၁၈ ခုနှစ်အတွင်းဆန်တန်ချိန် (၃.၆)သန်းတင်ပို့ နိုင်ခဲ့ပါတယ်။ ယခုနှစ်မှာတော့ ဆန်တန်ချိန် (၄)သန်းအထိတင်ပို့ နိုင်အောင်ဆွေးနွေးခဲ့တယ်လို့သိရပါတယ်။ မြန်မာနိုင်ငံကထွက်ရှိတဲ့ ဆန်တွေကို နိုင်ငံတကာ ဈေးကွက်များမှာ ခိုင်မာတဲ့  အခြေအနေထိရောက် ရှိစေရေးအတွက် ဆန်တင်ပို့ မှုနဲ့ပတ်သက်ပြီး အလုံးစုံမူဝါဒကို ပြန်လည်ဆန်းစစ်ဖို့ လိုအပ်လာပြီလို့ စီးပွားရေးနှင့်ကူးသန်း ရောင်းဝယ်ရေး ၀န်ကြီးဌာန ဒုတိယ၀န်ကြီး ဦးအောင်ထူးက ပြောပါတယ်။မြန်မာနိုင်ငံအနေနဲ့ ထွက်ရှိတဲ့ဆန်တွေကို တရုတ်နိုင်ငံကို အများဆုံးတင်ပို့နေတာဖြစ်ပြီး ဒုတိယအနေနဲ့တော့ အာဖရိကနိုင်ငံကို အများဆုံး တင်ပို့နေတာဖြစ်တယ်လို့ သိရပါတယ်။    

 

 

Related News