မြန်မာနိုင်ငံမှာ ပြည်တွင်းပြည်ပရင်းနှီးမြှုပ်နှံမှုများမြှင့်တင်ဖို့ရည်ရွယ်ပြီး ယှဉ်ပြိုင်နိုင်စွမ်းရှိသော စက်မှုလုပ်ငန်းများအတွက် ရင်းနှီးမြှုပ်နှံမှု မြှင့်တင်ရေးစီမံချက်ကို ဇွန်လ(၂၆)ရက်က နေပြည်တော်ရှိ သင်္ဂဟဟိုတယ်မှာ ပြုလုပ်ခဲ့ပါတယ်။မြန်မာနိုင်ငံရင်းနှီး မြှုပ်နှံမှုမြှင့်တင်ရေးစီမံကိန်း(MIPP)ကို အထောက်အကူပြုစေဖို့အတွက် ရည်ရွယ်ပြီး ယှဉ်ပြိုင်နိုင်စွမ်းရှိတဲ့ စက်မှုလုပ်ငန်းများအတွက် ရင်းနှီးမြှုပ်နှံမှုမြှင့်တင်ရေးစီမံချက် ရေးဆွဲခဲ့တာပါ။ ယခုစီမံချက်ကို စက်မှုဖွံ့ဖြိုးတိုးတက်မှု မူဝါဒများ ခိုင်မာစေရန်၊ ပြည်တွင်းနဲ့ နိုင်ငံခြားရင်းနှီးမြှုပ်နှံမှုများအကြား ချိတ်ဆက်ဆောင်ရွက်မှုများမြှင့်တင်ဖို့နဲ့ ရင်းနှီးမြှုပ်နှံမှုများကို တိုးမြှင့်ဆွဲဆောင်နိုင်ရန် ရည်ရွယ်ရေးဆွဲခဲ့တာလို့ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ၀န်ကြီးဌာန ပြည်ထောင်စု ၀န်ကြီး ဦးသောင်းထွန်းက ပြောပါတယ်။

ယှဉ်ပြိုင်နိုင်စွမ်းရှိသောစက်မှုလုပ်ငန်းများအတွက်ရင်းနှီးမြှုပ်နှံမှုမြှင့်တင်ရေးစီမံချက်ကို ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာန၊ စက်မှုဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ(JICA)တို့က ပူးပေါင်းရေးဆွဲခဲ့တာပါ။ အဆိုပါစီမံကိန်းကို အချိန်ကာလ(၅)နှစ်သတ်မှတ်ထားပြီး အပိုင်းနှစ်ပိုင်းဖြင့် ဆောင်ရွက်သွားမယ်လို့ သိရပါတယ်။ဒါ့အပြင် အဆိုပါစီမံချက်နဲ့အတူ  မြန်မာနိုင်ငံရင်းနှီးမြှုပ်နှံမှုမြှင့်တင်ရေးစီမံကိန်း(MIPP)ကို အကောင်အထည် ဖော်ဆောင်ရွက် ရာမှာ လွယ်ကူစေရေးအတွက်  ယခုနှစ်၊ မေလ(၂၂)ရက်က စတင်ဖွဲ့စည်းခဲ့တဲ့ ရင်းနှီးမြှုပ်နှံမှု မြှင့်တင်ရေးနှင့် လွယ်ကူချောမွေ့ စေရေးကော်မတီ(IPC)ကိုလဲ မိတ်ဆက်ခဲ့တာဖြစ်ပါတယ်။မြန်မာနိုင်ငံရင်းနှီးမြှုပ်နှံမှုမြှင့်တင်ရေးစီမံကိန်း(MIPP)ကို နိုင်ငံတော်အစိုးရနှင့် ဂျပန်အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ(JICA)တို့ ပူးပေါင်းပြီး၂၀၁၆ ခုနှစ်က ရေးဆွဲအကောင်အထည်ဖော်ဆောင်ရွက်ခဲ့တာ ဖြစ်ပါတယ်။

 

 

Related News