လာမယ့် အောက်တိုဘာ(၁)ရက်မှာ စတင်မယ့် (၂၀၁၉-၂၀၂၀) ဘဏ္ဍာရေးနှစ်အတွက်  ရန်ကုန်တိုင်းဒေသကြီးအတွင်းရှိ နိုင်ငံတော်ပိုင် ရုပ်ရှင်ရုံတွေရဲ့ ဆိုင်ခန်းငှားရမ်းခတွေက တစ်လလျှင် ကျပ်သိန်း(၂၄၀)ကျော်ရရှိမှာဖြစ်ပြီး ယခင်နှစ်က ထက် နှစဆကျော်တိုးတက်ရရှိလာတယ်လို့ (၂၀၁၉-၂၀၂၀)ဘဏ္ဍာရေးနှစ် ရန်ကုန်တိုင်းဒေသကြီးရဲ့ ရသုံးမှန်းခြေ ငွေစာရင်းအရ သိရပါတယ်။မြန်မာ့ရုပ်ရှင်မြှင့်တင်ရေးဦးစီးဌာနလက်အောက်ရှိ သမ္မတ၊ ရှေ့ဆောင်၊ နေပြည်တော်၊ န၀ဒေး၊ ၀ဇီရာ၊ သွင်၊ စံပြ၊ မြရတနာ၊ မဟာမြိုင်၊ ရွှေဗဟို၊ ရွှေပြည်သာစတဲ့ ရုပ်ရှင်ရုံတွေက ဆိုင်ခန်းတွေဖြစ်ပြီး ဆိုင်ခန်းပေါင်း (၁၇၀)နီးပါးရှိတယ်လို့ သိရပါတယ်။ လာမယ့်(၂၀၁၉-၂၀၂၀)ဘဏ္ဍာရေးနှစ်မှာ ဒီဆိုင်ခန်းတွေအားလုံးကို ငှားရမ်းခတွေ ထပ်တိုးတောင်းခံ ထားတာဖြစ်ပြီး အများဆုံးတိုးမြှင့်တောင်းခံမှုပမာဏအနေနဲ့ ယခင်နှစ်ကထက်(၃)ဆကျော် တိုးမြှင့်တောင်းခံထားတဲ့ ဆိုင်ခန်းတွေထိရှိတယ်လို့ သိရပါတယ်။

သမ္မတ ရုပ်ရှင်ရုံရဲ့ဆိုင်ခန်း(၃)ခန်းပေါင်းတစ်လငှားရမ်းခက ယခင်နှစ်က ကျပ်ငွေ(၁၇)သိန်းကျော် သတ်မှတ်ထား ရာကနေ လာမယ့်ဘဏ္ဍာနှစ်မှာ ကျပ်ငွေ(၅၂)သိန်းအဖြစ် (၃)ဆကျော်တိုးမြှင့် သတ်မှတ်ခဲ့တယ်လို့ သိရပါတယ်။ ကျန်တဲ့ ရုပ်ရှင်ရုံတွေက ဆိုင်ခန်းငှားရမ်းခတွေ ထပ်တိုးမြှင့်တောင်းခံထားမှုတွေက ယခင်ကထက်(၂)ဆ၊ (၂)ဆကျော် တိုးမြှင့်တောင်းခံတယ်လို့ သိရပါတယ်။ ဒီလို ငှားရမ်းခတွေ တိုးမြှင့်သတ်မှတ် လိုက်ပေမယ့်လည်း  ခေတ်ကာလ အခြေအနေအရ နည်းနေသေးကြောင်းကိုလည်း တိုင်းဒေသကြီးလွှတ်တော် ကိုယ်စားလှယ်ဦးကျော်ဇေယျက တိုင်းဒေသကြီးလွှတ်တော်အစည်းအဝေးမှာ အကြံပြုဆွေးနွေးခဲ့ပါတယ်။မြန်မာ့ရုပ်ရှင်မြှင့်တင်ရေးဦးစီးဌာနလက်အောက်ရှိ ရုပ်ရှင်ရုံတွေရဲ့ ဆိုင်ခန်းပေါင်း(၁၆၉)ခန်းရှိပြီး ဒီဆိုင်ခန်းတွေက  တစ်လငှားရမ်းခရရှိမှုအနေနဲ့ ကျပ်သိန်း(၂၄၀)ကျော်ရရှိကာ တစ်နှစ်စာ ကျပ်ငွေသန်းပေါင်း(၂၉၀)နီးပါးရရှိမယ်လို့ သိရပါတယ်။ ယခင်နှစ်က ဒီဆိုင်ခန်းပေါင်း(၁၆၉)ခန်းအတွက် တစ်လလျှင်(၁၁၅)သိန်းကျော် ရရှိခဲ့ပြီး တစ်နှစ်စာ ကျပ်ငွေ(၁၃၈)သန်းကျော်ရရှိခဲ့တယ်လို့ သိရပါတယ်။

 

 

Related News