မြန်မာနိုင်ငံကုန်သေတ္တာတင်မော်တော်ယာဉ်များအသင်း ပညာရေးဖောင်ဒေးရှင်းရဲ့ ပညာရည်ချွန်ဆု ပေးအပ်ချီးမြှင့်ပွဲ ကို သြဂုတ်လ(၂၅)ရက်က ရန်ကုန်မြို့ Royal Garden မှာပြုလုပ်ခဲ့တာ ဖြစ်ပါတယ်။ မြန်မာနိုင်ငံကုန်သေတ္တာတင်မော်တော်ယာဉ်များအသင်း(MCTA) ပညာရေးဖောင်ဒေးရှင်းကို ၂၀၁၁ခုနှစ် ကစတင်ဖွဲ့စည်းခဲ့တာဖြစ်ပြီး၊ အသင်းဝင်သား၊သမီးတွေရဲ့ တက္ကသိုလ်ဝင်တန်းစာမေးပွဲမှာ ထူးချွန်စွာအောင်မြင်ခဲ့သူတွေကို နှစ်စဉ် ပညာရည်ထူးချွန်ဆုများချီးမြှင့်ခဲ့တာ ဖြစ်တယ်လို့ အခုလိုပြောပါတယ်။

ဒီပညာရည်ထူးချွန်ဆုချီးမြှင့်ပွဲမှာ ၂၀၁၇-၂၀၁၈ ခုနှစ်တက္ကသိုလ်ဝင်တန်းမှာ အောင်မြင်ခဲ့တဲ့ ကျောင်းသား ကျောင်းသူပေါင်း (၃၉)ဦးအတွက် ငွေကျပ်စုစုပေါင်း(ခြောက်ဆယ့် ခုနှစ်သိန်း ငါးသောင်း)ကို ချီးမြှင့်ခဲ့တာဖြစ်ပါတယ်။
မြန်မာနိုင်ငံကုန်သေတ္တာတင်မော်တော်ယာဉ်များအသင်း(MCTA) ပညာရေးဖောင်ဒေးရှင်းရဲ့ ပညာရည် ထူးချွန်ဆုချီးမြှင့်ခြင်းကို ၂၀၁၄ ခုနှစ်ကစတင်ချီးမြှင့်ခဲ့တာဖြစ်ပြီး၊ ယခုအကြိမ်ကတော့ ပဉ္စမအကြိမ်မြောက်ချီးမြှင့်တာဖြစ်တယ်လို့ သိရပါတယ်။ ၂၀၁၄ခုနှစ် ပထမအကြိမ်မှာတော့ တက္ကသိုလ်ဝင်တန်းအောင်မြင်ခဲ့တဲ့သူ (၁၀)ဦး၊နဲ့ ၂၀၁၅ ခုနှစ် ဒုတိယအကြိမ်မှာ တက္ကသိုလ်ဝင်တန်းအောင်မြင်ခဲ့တဲ့သူ (၁၄) ဦး (၂၀၁၇)ခုနှစ် တတိယအကြိမ်မှာ (26)ဦး (၂၀၁၇)ခုနှစ် သြဂုတ်လ ရဲ့ စတုတ္ထအကြိမ်မှာ (29)ဦးတို့ကိုချီးမြှင့်ခဲ့တာဖြစ်တယ်လို့ သိရပါတယ်။ အိကေခိုင်ဖြိုးကပေးပို့ထားတာဖြစ်ပါတယ်။

 

 

Related News