တရုတ်နိုင်ငံဆင်းရဲနွမ်းပါးမှု လျှော့ချရေးဖောင်ဒေးရှင်းမှမြန်မာနိုင်ငံရဲ့တက္ကသိုလ်(၁၁)ခုကို ပညာသင်ထောက်ပံ့စရိတ်တွေကို ထောက်ပံ့ပေးနေတယ်လို့စက်တင်ဘာ(၅)ရက်က  ရန်ကုန်တက္ကသိုလ် စိန်ရတုခန်းမမှာပြုလုပ်ခဲ့တဲ့ တရုတ်နိုင်ငံဆင်းရဲနွမ်းပါးမှုလျှော့ချရေးဖောင်းဒေရှင်း မြန်မာနိုင်ငံဆိုင်ရာရုံးခန်းဖွင့်လှစ်ခြင်းနှင့်စီမံကိန်းအဖွဲ့အစည်း (၃)နှစ်ပြည့် အခမ်းအနားကသိရပါတယ်။တရုတ်နိုင်ငံ ဆင်းရဲနွမ်းပါးမှုလျှော့ချရေးဖောင်ဒေးရှင်းက(၂၀၁၅)နှစ်ဆန်းပိုင်း ကစပြီး ရန်ကုန်စီးပွားရေးတက္ကသိုလ်၊ ဒဂုံတက္ကသိုလ်၊ ရန်ကုန်အရှေ့ပိုင်းခရိုင်တက္ကသိုလ်၊ ရန်ကုန်အနောက်ပိုင်းတက္ကသိုလ်၊ ရန်ကုန်နိုင်ငံခြားဘာသာတက္ကသိုလ်၊ မန္တလေးတက္ကသိုလ်၊ ရတနာပုံတက္ကသိုလ်၊ မန္တလာဒီဂရီကောလိပ်၊ ကျောက်ဆည်တက္ကသိုလ်၊ စစ်တွေတက္ကသိုလ် နဲ့ တောင်ကုတ်ဒီဂရီကောလိပ် စုစုပေါင်း ဒီဂရီကောလိပ်(၁၁)ခုမှာရှိတဲ့ ကျောင်းသား၊ ကျောင်းသူ(၁၂၀၀)ကျော်တို့ကို ပညာသင်ထောက်ပံ့စရိတ်ပေးအပ်နေတာ ဖြစ်တယ်လို့သိရပါတယ်။

အဲ့ဒီတက္ကသိုလ်တွေကပညာသင်ဆု ရရှိတဲ့ကျောင်းသား၊ ကျောင်းသူတစ်ဦးကို တစ်လလျှင် ပညာသင်ထောက်ပံ့စရိတ် ငွေကျပ် (၃)သောင်းထောက်ပံ့ပေးနေတယ်လို့ သိရပါတယ်။ တရုတ်နိုင်ငံဆင်းရဲနွမ်းပါးမှုလျှော့ချရေးဖောင်ဒေးရှင်းကို (၁၉၈၉)ခုနှစ်ကစတင်တည်ထောင်ခဲ့ပြီး တရုတ်နိုင်ငံရဲ့ ဆင်းရဲနွမ်းပါးသူတွေကို ပညာရေး၊ကျန်းမာရေး၊ အသက်မွေးဝမ်းကျောင်းကဏ္ဍဖွံ့ဖြိုးတိုးတက်ရေးနဲ့ဘေးအန္တရာယ်ဒဏ်ကြောင့် ပျက်စီးမှုတွေရဲ့ ပြန်လည်ထူထောင်ရေးစတာတွေကို ကူညီထောက်ပံ့ပေးနေတာဖြစ်ပါတယ်။

ဒါ့အပြင် ကျောင်းတက်ဖို့အခက်အခဲဖြစ်နေတဲ့ ကျောင်းသား၊ ကျောင်းသူတွေ၊ အမှန်တကယ်စာကြိုးစားလိုတဲ့ ကျောင်းသား၊ ကျောင်းသူတွေကိုပညာသင်စရိတ်ထောက်ပံ့ပေးတာဖြစ်တယ်လို့ သိရပါတယ်။အဆင့်မြင့်ပညာဦးစီးဌာနနှင့် မြန်မာနိုင်ငံဆိုင်ရာ တရုတ်နိုင်ငံ ဆင်းရဲနွမ်းပါးမှုလျှော့ချရေးဖောင်ဒေးရှင်းက (၂၀၁၄)ခုနှစ် ၊ အောက်တိုဘာ(၂)ရက်က စတင်ကာ နားလည်မှုစာချွန်လွှာကို လက်မှတ်ရေးထိုးခဲ့တာဖြစ်တယ်လို့သိရပါတယ်။

 

 

Related News