ပညာရေးတက္ကသိုလ်လေ့ကျင့်ရေး အထက်တန်းကျောင်း ကမာရွတ်က ပိုင်ရှင်မဲ့စာကြည့်တိုက်စနစ်ကို အခု ၂၀၁၈ခုနှစ် ဇူလိုင်လမှာ စတင်ပြုလုပ်ပေးခဲ့တာဖြစ်ပါတယ်။ဒီပိုင်ရှင်မဲ့စာကြည့်တိုက်စနစ်ကို ပညာရေးတက္ကသိုလ်လေ့ကျင့်ရေး အထက်တန်းကျောင်း ကမာရွတ်က ကျောင်းကောင်စီ အဖွဲ့ဝင် ကျောင်းသားခေါင်းဆောင်တွေရဲ့ ဆန္ဒအရပြုလုပ်ပေးခဲ့တာလို့သိရပါတယ်။ ပိုင်ရှင်မဲ့စာကြည့်တိုက်လို့ အမည်ပေး ဖြစ်တာက စာကြည့်တိုက်မှာ ကြီးကြပ်ကွပ်ကဲမဲ့သူထားရှိခြင်းမရှိတာကြောင့်နဲ့ ကိုယ်တူကိုယ်ထစနစ်နဲ့သာ လာရောက်ဖတ်ရှု ရတာဖြစ်ပါတယ်။ပိုင်ရှင်မဲ့စာကြည့်တိုက် ကစာအုပ်တွေကို ကျောင်းသား၊ကျောင်းသူတွေအနေနဲ့ ကိုယ်တိုင်ကိုယ်ကျ စာရင်းပေးသွင်းပြီး ဌားယူနိုင်သလို ကျောင်းတွင်း အားလပ်ချိန်တွေမှာလည်း လွတ်လပ်စွာ လာရောက်ဖတ်ရှုနိုင်တယ်လို့ သိရပါတယ်။

ပိုင်ရှင်မဲ့စာကြည့်တိုက်စနစ်ကို ထားရှိပေးတာက ကလေးငယ်တွေစာဖတ်တဲ့ အလေ့ အကျင့်ရစေဖို့၊ စာရိတ္တမြှင့်တင်နိုင်ဖို့နဲ့ အလုပ်တစ်ခုကို ကိုယ်ထူကိုယ်ထပြုလုပ်တတ်စေဖို့ရည်ရွယ်ပြီး ဖွင့်လှစ်ပေးထားတာဖြစ်ပါတယ်။ ပိုင်ရှင်မဲ့စာကြည့်တိုက်မှာ စာအုပ်ပေါင်း (၅၀၀)ကျော်ရှိပြီး ဘ၀တွက်တာ၊ ဂျာနယ်၊ ကာတွန်းစာအုပ်၊ ယာဉ်စည်းကမ်း လမ်းစည်းကမ်း စာအုပ်တွေနဲ့ အတန်းပညာ အထောက်အကူပြု တွဲဖက်သင်ရိုးဟောင်းတွေ နဲ့သက်ဆိုင်တဲ့စာအုပ်တွေ ကို ထားရှိပေးတာဖြစ်ပါတယ်။ပိုင်ရှင်မဲ့စာကြည့်တိုက်က  စာအုပ်တွေက ကျောင်းကနေထားရှိပေးထားတာဖြစ်ပြီး ကလေးငယ်တွေအတွက် စာအုပ်တွေလှူဒါန်းချင်တဲ့ အလှူရှင်တွေရှိရင်ကိုယ်တိုင်ကိုယ်ကျ စာရင်းပေးသွင်းပြီလာရောက် လှူဒါန်းနိုင်တယ်လို့ သိရပါတယ်။

 

 

Related News