မန္တလေးမြို့ မန္တလာဒီဂရီကောလိပ်မှာ ခရီးသွားလုပ်ငန်းပညာရပ်ကို မန္တလာဒီဂရီကောလိပ်စတင်ဖွင့်လှစ်တဲ့ ၂၀၁၂ ခုနှစ်ကတည်းကဖွင့်လှစ်ခဲ့တာဖြစ်ပြီး ခရီးသွားလုပ်ငန်းပညာရပ်နဲ့ ဘွဲ့ရ ကျောင်းသား၊ကျောင်းသူ ၂၂၂ ဦးကို မွေးထုတ်ထားတယ်လို့ မန္တလာဒီဂရီကောလိပ်ကတာဝန်ရှိသူထံမှသိရပါတယ်။ခရီးသွားလုပ်ငန်းဘာသာရပ်ကို အထက်မြန်မာပြည်အနေနဲ့ မန္တလာဒီဂရီကောလိပ်မှာသင်ကြားပေးနေပြီး အောက်မြန်မာပြည်အနေနဲ့ အမျိုးသားစီမံခန့်ခွဲမှုဒီဂရီကောလိပ်မှာ သင်ကြားပို့ချနေတာဖြစ်ပါတယ်။ မန္တလာဒီဂရီကောလိပ်မှာ မေဂျာ ၁၁ ခု နဲ့သင်ကြားနေတာဖြစ်ပြီး ၀ိဇ္ဇာဘာသာရပ် ၅ခု၊ သိပ္ပံဘာသာရပ် ၅ခု နဲ့ ခရီးသွားလုပ်ငန်းဘာသာရပ်တွေ သင်ကြားပို့ချနေတာဖြစ်ပါတယ်။ ဒီလိုခရီးသွားလုပ်ငန်း ပညာသင်ကြားပို့ချရတာဟာ ခရီးသွားလုပ်ငန်းတွေက နိုင်ငံခြားဝင်ငွေတွေကို အများဆုံးရရှိအောင်ဖန်တီးပေးတဲ့အတွက် ခရီးသွားလုပ်ငန်းဖွံ့ဖြိုးတိုးတက်ဖို့အတွက် လိုအပ်နေတဲ့လူစွမ်းအားအရင်းအမြစ်တွေကို မွေးထုတ်ပေးနိုင်ဖို့ ရည်ရွယ်ဖွင့်လှစ်တာဖြစ်တယ်လို့သိရပါတယ်။

အခုလို ခရီးသွားလုပ်ငန်းဘာသာရပ်ကို သင်ကြားပို့ချရာမှာ Luxembourg Development Acengy (လူဇင်ဘတ်ဒပလောမန့်အေဂျင်စီ ) နဲ့ ပူးပေါင်းကာ နိုင်ငံခြားသားပရောဖက်ဆာတွေနဲ့သင်ကြားပို့ချနေပြီး နိုင်ငံတကာအဆင့်မီ သင်ရိုးညွှန်တမ်းတွေရေးဆွဲကာ သင်ကြားပို့ချနေတယ်လို့သိရပါတယ်။ ၂၀၁၉-၂၀၂၀ ခုနှစ်အတွက် ခရီးသွားလုပ်ငန်း ဘာသာရပ်ကို လျှောက်ထားလိုတဲ့ ကျောင်းသား၊ ကျောင်းသူတွေအနေနဲ့ အင်္ဂလိပ်စာရမှတ် ၆၀ ရှိရမှာဖြစ်ပြီး စုစုပေါင်းရမှတ် ၄၀၀ အနည်းဆုံး ရရှိသူတွေ လျှောက်ထားနိုင်ပြီး အမှတ်အနည်းအများပေါ်မှုတည်ကာ အယောက် ၂၀၀ ကိုရွေးချယ်ကာ သင်ကြားပို့ချသွားမယ်လို့ သိရပါတယ်။ ခရီးသွားလုပ်ငန်းဘာသာရပ်နဲ့ပတ်သက်ပြီးလျှောက်လွှာတွေကို သြဂုတ်လ ၁ရက်မှာ စတင်ထုတ်ပေးသွားမှာဖြစ်ပြီး ၃၀ရက်မှာ နောက်ဆုံးထားလျှောက်ထားရမှာဖြစ်တယ်လို့ သိရပါတယ်။ လျှောက်လွှာတွေကို သတင်းစာ၊ မီဒီယာတွေနဲ့ Facebook တို့မှလည်း ကြေငြာပေးသွားမယ်လို့သိရပါတယ်။ မန္တလာဒီဂရီကောလိပ်ကို ၂၀၁၂ ခုနှစ် ဒီဇင်ဘာ၁ရက်မှာ မန္တလာကောလိပ်အဖြစ် စတင်ဖွင့်လှစ်ခဲ့ကာ ၂၀၁၆ ခုနှစ် မတ်လ ၂၂ရက်မှာ မန္တလာဒီဂရီကောလိပ် အဖြစ်အဆင့်မြင့်တင်ခဲ့တယ်လို့သိရပါတယ်။ မန္တလာဒီဂရီကောလိပ်မှာ ခရီးသွားလုပ်ငန်း ဘာသာရပ်နဲ့ တတ်ရောက်သင်ကြားနေတဲ့ ကျောင်းသား၊ကျောင်းသူ ၅၀၀ ကျော် ရှိတယ်လို့သိရပါတယ်။

 

 

Related News