(၂၀၁၉-၂၀၂၀) ပညာသင်နှစ်အတွက် အစိုးရစက်မှုလက်မှုသိပ္ပံကျောင်း (GTI) မှာ သင်တန်းသား/သင်တန်းသူ ဦးရေ (၃၀၀) ၀န်းကျင်လက်ခံသွားမှာဖြစ်တယ်လို့ အင်းစိန်မြို့နယ် အစိုးရစက်မှုလက်မှုသိပ္ပံကျောင်း(GTI)ကျောင်းရဲ့ ကျောင်းအုပ်ကြီးထံမှ သိရပါတယ်။ရန်ကုန်တိုင်းဒေသကြီး အင်းစိန်မြို့နယ်မှာရှိတဲ့ အစိုးရစက်မှုလက်မှုသိပ္ပံကျောင်း (GTI) ကို  ၁၈၉၅ ခုနှစ်မှာ စတင်တည်ထောင် ခဲ့တာ ဖြစ်ပါတယ်။ (၁၉၉၆-၁၉၉၇)ခုနှစ်မှာ အကြောင်းအမျိုးမျိုးကြောင့် ကျောင်းပိတ်ခဲ့ရပြီး (၂၀၁၇-၂၀၁၈)ခုနှစ်မှာ စတင်ပြန်လည် ဖွင့်လှစ်ခဲ့တာဖြစ်ပါတယ်။ဒီနှစ် (၂၀၁၉-၂၀၂၀) ပညာသင်နှစ်မှာတော့ တက္ကသိုလ်ဝင်စာမေးပွဲ အောင်မြင်ပြီး အင်္ဂလိပ်စာနှင့်သချာင်္ ဘာသာရပ် အမှတ်ပေါင်းတွေကိုကြည့်ပြီး  ကျောင်းသား/ကျောင်းသူ (၃၀၀)ကို လက်ခံသွားမှာဖြစ်ပါတယ်။ အစိုးရစက်မှုလက်မှု သိပ္ပံကျောင်း(GTI)မှာတော့ မြို့ပြအင်ဂျင်နီယာဘာသာရပ် (Civil) ၊ အီလက်ထရောနစ်အင်ဂျင်နီယာဘာသာရပ် (EC) ၊ လျှပ်စစ် စွမ်းအားအင်ဂျင်နီယာဘာသာရပ် (EP) ၊ စက်မှုအင်ဂျင်နီယာဘာသာရပ် (Mech ) ၊ စက်မှုလုပ်ငန်းအင်ဂျင်နီယာ ဘာသာရပ် (IE) နဲ့ သုတေသနနည်းပညာဘာသာရပ် (IT) တွေကို သင်ကြားရမှာ ဖြစ်ပါတယ်။

အစိုးရစက်မှုလက်မှုသိပ္ပံကျောင်း (GTI) မှာ တက္ကသိုလ်ဝင်စာမေးပွဲအောင်မြင်ပြီးတဲ့ ကျောင်းသားကျောင်းသူတွေ၊ စင်္ကာပူ-မြန်မာ အသက်မွေးသင်တန်းကျောင်း ၊ အစိုးရနည်းပညာသင်တန်းကျောင်းတို့မှာ ထူးချွန်စွာအောင်မြင်ခဲ့ကြတဲ့ ကျောင်းသား/ကျောင်းသူ တွေကိုပါ လက်ခံသင်ကြားသွားမှာဖြစ်ပါတယ်။သင်တန်းကာလက (၃)နှစ်ကြာမြင့်မှာဖြစ်ပြီး အစိုးရစက်မှုလက်မှုသိပ္ပံကျောင်း (GTI)မှာ ထူးချွန်စွာအောင်မြင်တဲ့ ကျောင်းသား/ကျောင်းသူတွေအနေနဲ့ နည်းပညာတက္ကသိုလ်တွေမှာ ဆက်လက်သင်ကြားနိုင်မှာ ဖြစ်ပြီး သာမာန်အောင်မြင်တဲ့ ကျောင်းသား/ကျောင်းသူတွေကတော့ အဝေးသင်တက္ကသိုလ်တွေမှာ ဒုတိယနှစ်မှစပြီး ပညာသင် ကြားနိုင်မှာ ဖြစ်တယ်လို့ သိရပါတယ်။ဒါ့အပြင် အစိုးရစက်မှုလက်မှုသိပ္ပံကျောင်း (GTI)မှာ  ညပိုင်းသင်တန်းတွေကို ဖွင့်လှစ် သင်ကြားပေးနေပြီး အလုပ်လုပ်ရင်းပညာပါသင်ကြားနိုင်အောင် ဆောင်ရွက်ထားတာဖြစ်ပါတယ်။ ညပိုင်းသင်တန်းမှာ တက်ရောက် လိုတဲ့ ကျောင်းသား/ကျောင်းသူတွေအနေနဲ့ တစ်ဦးကို တစ်နှစ်လျှင် (၂ သိန်း ၄ သောင်း )ပေးသွင်းရမှာ ဖြစ်တယ်လို့ သိရပါတယ်။

အစိုးရစက်မှုလက်မှုသိပ္ပံကျောင်း (GTI) ပြန်လည်ဖွင့်လှစ်ခဲ့တဲ့ (၂၀၁၇-၂၀၁၈) ပညာသင်နှစ်မှာ ကျောင်းသား/ကျောင်းသူ (၂၂၁)ယောက်ကို လက်ခံသင်ကြားခဲ့တာဖြစ်ပြီး (၂၀၁၈-၂၀၁၉) ပညာသင်နှစ်မှာတော့ ကျောင်းသား/ကျောင်းသူ (၂၉၇) ဦးကို လက်ခံသင်ကြားခဲ့တာဖြစ်ပါတယ်။ဒီနှစ် (၂၀၁၉-၂၀၂၀ ) ပညာသင်နှစ်မှာတော့ ကျောင်းသား/ကျောင်းသူ (၃၀၀)၀န်းကျင်လက်ခံ သွားမှာဖြစ်ပြီး လျှောက်လွှာဖောင်တွေကိုတော့ အောက်တိုဘာလမှာ နိုင်ငံပိုင်သတင်းစာတွေမှတစ်ဆင့်ခေါ်ယူသွားမှာဖြစ်ပြီး ဒီဇင်ဘာလမှာ ကျောင်းတွေကို ဖွင့်လှစ်သွားမှာဖြစ်ပါတယ်။

 

 

Related News