ဇူလိုင်(၁၆)ရက်အထိ တစ်နိုင်ငံလုံး အတိုင်းအတာအနေနဲ့ တက္ကသိုလ်ဝင် စာမေးပွဲအောင်လက်မှတ်ထုတ်ယူသူအရေအတွက် (၉)သောင်း ကျော်ရှိပြီလို့ မြန်မာနိုင်ငံစာစစ်ဦးစီးဌာနကနေ သိရပါတယ်။(၂၀၁၈-၂၀၁၉)ပညာသင်နှစ် တက္ကသိုလ်ဝင်တန်းစာမေးပွဲအောင်မြင်ခဲ့တဲ့ တက္ကသိုလ်ဝင်စာမေးပွဲ အောင်လက်မှတ်တွေကို မြန်မာနိုင်ငံစာစစ်ဦးစီးဌာနမှာ  ဇူလိုင်လ(၁)ရက်က စတင်ပြီး ထုတ်ပေးနေတာဖြစ်ပါတယ်။ အောင်လက်မှတ်တွေထုတ်ယူရာမှာ ခြောက်လအတွင်းရိုက်ကူးထားတဲ့ ပတ်ပို့စ် ဓာတ်ပုံနှစ်ပုံ၊ နိုင်ငံသား စိစစ်ရေးကတ်ပြားမူရင်း၊ အမည်၊ မိဘအမည်၊ ခုံနံပါတ်၊ စာစစ်ဌာန၊ မွေးသက္ကရာဇ်နဲ့ နေရပ်လိပ်စာတွေ လိုအပ်တယ်လို့ သိရပါတယ်။

အောင်လက်မှတ်ထုတ်ယူမှုကိုတော့ ကာယကံရှင်ကိုယ်တိုင်လာရောက်ထုတ်ယူခြင်း၊ ကိုယ်စားလာရောက်ထုတ်ယူလိုပါက ကိုယ်စားလှယ်လွှဲစာနဲ့အတူ လာရောက်ထုတ်ယူနိုင်ခြင်းနဲ့ အခြားပြည်နယ်နဲ့ တိုင်းဒေသကြီးမှထုတ်ယူချင်ပါက စာတိုက်ကတစ်ဆင့် ပေးပို့ပြီး ထုတ်ယူနိုင်မှာဖြစ်ပါတယ်။ စာတိုက်ကနေ ထုတ်ယူမယ့်သူတွေက အောင်လက်မှတ်ပြန်လည်ပေးပို့ရမယ့် လိပ်စာပါရှိရမှာဖြစ်သလို  စာပို့ခတံဆိပ်ခေါင်းအပိုကိုပါ တစ်ပါတည်း ပေးပို့လျှောက်ထားရမယ်လို့ သိရပါတယ်။အောင်လက်မှတ်တစ်ခါထုတ်ယူပြီးတဲ့ ကျောင်းသား/ကျောင်းသူတွေအနေနဲ့  ပျောက်ဆုံး၊ ပျက်စီးခဲ့ရင် နောက်ထပ်တစ်ကြိမ်သာ ထုတ်ခွင့်ရှိတော့တယ်လို့  မြန်မာနိုင်ငံစာစစ်ဦးစီးဌာနက ပြောပါတယ်။

 

 

Related News