မီးသတ်ဦးစီးဌာနမှ (၂၀၁၈-၂၀၁၉)ခုနှစ် ပညာရည်ချွန်ဆုပေးအပ်ခြင်းနှင့် (၂၀၁၉-၂၀၂၀) ပညာသင်နှစ်အတွက် ပညာသင်ထောက်ပံ့ကြေးငွေ ပေးအပ်ပွဲကို ဇူလိုင်လ(၁၈)ရက်က ရန်ကုန်မြို့ မရမ်းကုန်းမြို့နယ်မှာရှိတဲ့ မီးသတ်တပ်ဖွဲ့ဌာနချုပ်မှာပြုလုပ်ခဲ့ပါတယ်။ရန်ကုန်တိုင်းဒေသကြီးအပြင် တိုင်းဒေသကြီးနှင့်ပြည်နယ်အသီးသီးမှာရှိတဲ့ မီးသတ်ဦးစီးဌာနမှာ တာဝန်ထမ်းဆောင်နေကြတဲ့ မီးသတ်တပ်ဖွဲ့ဝင်တွေရဲ့ ထူးချွန်တဲ့သားသမီးတွေကို ပညာသင်ထောက်ပံ့ကြေးငွေပေးအပ်ခဲ့တာဖြစ်ပါတယ်။အခုလို မီးသတ်တပ်ဖွဲ့ဝင်တွေရဲ့ သားသမီးတွေကို ပညာသင်ထောက်ပံ့ကြေးငွေနဲ့ပညာသင်ဆုပေးအပ်ရတာက မီးသတ်ဦးစီးဌာနချုပ်အနေနဲ့ မိမိတို့တပ်ဖွဲ့ဝင် သားသမီးတွေရဲ့ ပညာရေးကို တစ်ဖက်တစ်လမ်းမှကူညီထောက်ပံ့ပေးတာဖြစ်တယ်လို့သိရပါတယ်။

(၂၀၁၈-၂၀၁၉)ပညာသင်နှစ် တက္ကသိုလ်ဝင်စာမေးပွဲမှာ ဂုဏ်ထူးတွေနဲ့အောင်မြင်ခဲ့ကြတဲ့ ကျောင်းသား/ကျောင်းသူ (၁၅)ဦးနှင့် စာမေးပွဲကို ရိုးရိုးအောင်မြင်ခဲ့ကြတဲ့ ကျောင်းသား/ကျောင်းသူ (၁၃)ဦးတို့ကို ဂုဏ်ပြုဆုကြေးငွေချီးမြှင့်ခဲ့တာဖြစ်ပါတယ်။ဒါ့အပြင် လက်ရှိ (၂၀၁၉-၂၀၂၀) ပညာသင်နှစ်မှာ အခြေခံပညာကျောင်းတွေမှာ တက်ရောက်ပညာသင်ကြားနေကြတဲ့ ကျောင်းသား/ကျောင်းသူ (၂၅၀၃ )ဦးအတွက် ပညာသင်ထောက်ပံ့ကြေးငွေပေးအပ်ခဲ့တာဖြစ်ပါတယ်။အခုလို မီးသတ်တပ်ဖွဲ့ဌာနချုပ်မှ ထူးချွန်တဲ့ကျောင်းသား/ကျောင်းသူတွေကို ပညာသင်ထောက်ပံ့ကြေးနဲ့ ပညာသင်ဆုပေးအပ်တာတွေကို နှစ်စဉ် နှစ်တိုင်းပြုလုပ်ပေးနေတာဖြစ်တယ်လို့သိရပါတယ်။

 

 

Related News