၂၀၁၉ ခုနှစ် တက္ကသိုလ်ဝင်စာမေးပွဲရဲ့ ဘာသာရပ်ဆိုင်ရာ အဖြေလွှာရမှတ်များမျှော်မှန်းထားသည်ထက် လျော့နည်းနေပြီး ရမှတ်များကို ပြန်လည် စိစစ်လိုရင် မြန်မာနိုင်ငံစာစစ်ဦးစီးဌာနကို အဖြေလွှာပြန်လည် စစ်ဆေးပေးရန် လျှောက်ထားနိုင်ပြီး ယခုနှစ်အတွက် အဖြေလွှာ ပြန်လည်စစ်ဆေးခြင်းတွေကိုတော့ အမှတ်စာရင်းစတင်ထုတ်ပေးပြီးတဲ့ (၂)ပတ်အကြာထဲက ဆောင်ရွက်ပေးနေတယ်လို့ သိရပါတယ်။ တက္ကသိုလ်ဝင်စာမေးပွဲ အဖြေလွှာပြန်လည်စစ်ဆေးလိုခြင်းအတွက် လျှောက်ထားမှုများကို မြန်မာနိုင်ငံစာစစ်ဦးစီးဌာန အနေနဲ့ သက်ဆိုင်ရာ တက္ကသိုလ်ကြီးတွေနဲ့ညှိုနှိုင်းပြီး နှစ်စဉ်ဆောင်ရွက်ပေးနေတယ် လို့သိရပါတယ်။ဘာသာရပ်ဆိုင်ရာ အဖြေလွှာရမှတ်များမျှော်မှန်းထားသည်ထက် လျော့နည်းနေလို့ ပြန်စိစစ်ချင်နေသူတွေက မြန်မာနိုင်ငံစာစစ်ဦးစီးဌာနရဲ့ နေပြည်တော်ရှိ ရုံးအမှတ်-၅၂ နဲ့ လှိုင်မြို့နယ်ရှိ  မြန်မာနိုင်ငံစာစစ် ဦးစီးဌာန (ရန်ကုန်ရုံးခွဲ)တို့မှာ ကာယကံရှင်၊မိဘအုပ်ထိန်းသူ နဲ့အတူလာရောက်ကာ လျှောက်လွှာပုံစံ ဖြည့်စွက်ပြီး စစ်ဆေးခပေးသွင်း လျှောက်ထားနိုင်မှာဖြစ်ပါတယ်။အဖြေလွှာပြန်လည်စစ်ဆေးရာမှာ မိမိပြန်လည်စစ်ဆေးချင်တဲ့ ဘာသာရပ်အလိုက် တစ်ဘာသာကို ငွေကျပ်(၂၅၀၀၀) ပေးသွင်းရမှာဖြစ်ပါတယ်။ ပြန်လည်စစ်ဆေးပြီးတဲ့ အဖြေလွှာတွေမှာ မှားယွင်းမှုတစ်စုံတစ်ရာရှိခဲ့ရင် အမှတ်စာရင်းပြင်ဆင်ခြင်း၊ လိုအပ်ပါက အောင်စာရင်းကို ပြင်ဆင်ခြင်း တွေအထိ ဆောင်ရွက်ပေးနေတယ်လို့ သိရပါတယ်။၂၀၁၉ခုနှစ် တက္ကသိုလ်ဝင်စာမေးပွဲရဲ့ အဖြေလွှာပြန်လည်စစ်ဆေးဖို့အတွက် လျှောက်ထားရာမှာ ဇူလိုင်လ(၁၇)ရက်အထိ ကို အယောက်(၆၀၀)ကျော်ရှိခဲ့တယ်လို့ မြန်မာနိုင်ငံစာစစ်ဦးစီးဌာနမှ သိရပါတယ်။

 

 

Related News