၂၀၁၈ ခုနှစ် လူငယ်ဘက်စုံဖွံ့ဖြိုးရေးပွဲတော်ကို မန္တလေးမြို့ မန္တလေးတက္ကသိုလ်မှာ သြဂုတ်လ (၁၁)ရက်မှ စတင်ကျင်းပနေတာ ဖြစ်ပြီး လူငယ်တွေ စိတ်ဝင်တစားလာရောက်လေ့လာနေကြပါတယ်။ လူငယ်ဘက်စုံဖွံ့ဖြိုးရေးပွဲတော်(မန္တလေး)ကို မြန်မာလူငယ်တွေရဲ့ အသိပညာ၊ အတတ်ပညာနဲ့ ကျင့်ဝတ်တန်ဖိုးအပါအ၀င် ဗလငါးတန် မြှင့်တင်ပေးနိုင်ဖို့နဲ့ အနာဂတ်လူ့ဘောင် အဖွဲ့အစည်းကို လူငယ်တွေရဲ့ အတွေးအမြင်ကောင်းတွေ၊ အရည်အသွေးကောင်းတွေနဲ့ အကောင်အထည်ဖော်ဆောင်ရွက်နိုင်ဖို့ ရည်ရွယ်ကျင်းပတာ ဖြစ်တယ်လို့ သိရပါတယ်။ ဒီပွဲတော်မှာ အခြေခံပညာကျောင်းများမှ ကျောင်းသား၊ ကျောင်းသူများ၊ တက္ကသိုလ်/ကောလိပ် အသီးသီးမှ ကျောင်းသား ကျောင်းသူများ၊ လူငယ်အဖွဲ့အစည်းများမှ လူငယ်တွေ ပူးပေါင်းပါဝင်ကျင်းပနေတယ်လို့ သိရပါတယ်။

ယခုကျင်းပနေတဲ့ လူငယ်ဘက်စုံ ဖွံ့ဖြိုးရေးပွဲတော်(မန္တလေး)မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ တက္ကသိုလ်ကျောင်းသားကျောင်းသူလူငယ်တွေရဲ့ ဆွေးနွေးပွဲအပြင် အနုပညာဆိုင်ရာလှုပ်ရှားမှု၊ အားကစားဆိုင်ရာလှုပ်ရှားမှု၊ စာပေဆိုင်ရာလှုပ်ရှားမှု၊ နည်းပညာဆိုင်ရာလှုပ်ရှားမှုနဲ့ အလုပ်အကိုင်အခွင့်အလမ်းဆိုင်ရာလှုပ်ရှားမှုတွေကို ထည့်သွင်းကျင်းပနေတာဖြစ်ပါတယ်။ အခုလိုလူငယ်ဘက်စုံဖွံ့ဖြိုးရေးပွဲတော်တွေ ကျင်းပပေးတာဟာ လူငယ်တွေကို စည်းလုံးညီညွတ်မှုရှိပြီး ဗဟုသုတတွေရရှိစေမှာ ဖြစ်တယ်လို့ လာရောက်တဲ့ ကျောင်းသားကျောင်းသူတွေက ပြောပါတယ်။ယခုကျင်းပနေတဲ့ လူငယ်ဘက်စုံဖွံ့ဖြိုးရေးပွဲတော်ကို သြဂုတ်လ(၁၁)ရက်မှ (၁၃) ရက်အထိ ၃ ရက် ကြာ ပြုလုပ်သွားမှာဖြစ်ပါတယ်။

ဒီပွဲတော်မှာစာအုပ်အရောင်းဆိုင်များ၊ ယဉ်ကျေးမှုဆိုင်ရာပြခန်းများ၊ လက်မှုပစ္စည်းပြခန်းများနဲ့ အခြားပြခန်းပေါင်း ၃၀၀ ကျော် ပါဝင်ပြသထားပြီး နံနက် ၉ နာရီ မှ ညနေ ၅ နာရီအထိကျင်းပသွားမှာ ဖြစ်တယ်လို့လည်းသိရပါတယ်။

 

 

Related News